Type to search

बुद्धपौर्णिमेनिमित्त नंदुरबार जिल्ह्यातील वनक्षेत्रात प्राणीगणना निलगाय, बिबटे, कोल्ह्यांचे झाले दर्शन

वनविभागातर्फे वन्यप्राण्यांचा अस्तित्व सनियंत्रण कार्यक्रम

Breaking News maharashtra आवर्जून वाचाच नंदुरबार मुख्य बातम्या

बुद्धपौर्णिमेनिमित्त नंदुरबार जिल्ह्यातील वनक्षेत्रात प्राणीगणना निलगाय, बिबटे, कोल्ह्यांचे झाले दर्शन

Share

तळोदा । दि.20 । श.प्र. :  बुद्ध पोर्णिमेनिमित्त करण्यात आलेल्या प्राणी गणनेत अजयपूर वनक्षेत्रात निलगाय दिसल्याचे सांगण्यात येत आहे. परंतू वनविभागाकडून त्याला पुष्टी देण्यात आलेली नाही. मात्र, निलगाय आढळली असल्यास पर्यावरणाच्या दृष्टीने आनंदाची बाब आहे. याशिवाय कोल्हयांचा कळप, बिबटे, अस्वलांचेही दर्शन झाले.

बुद्ध पौर्णिमेला वन्यप्राण्यांचे पानवठावरील अस्तित्व सनियंत्रण करण्याचा कार्यक्रम हाती घेण्याचे काम वनविभागाकडून घेेण्यात आले आहे. त्यानुसार जिल्ह्यात नंदुरबार वनक्षेत्र व तळोदा वनक्षेत्रात प्राणी व वन्यजीव गणना करण्यास सुरुवात झाली आहे. यात बिबटे, तरस, नीलगाय, कोल्हे, अस्वल यांचा समावेश आहे.

नंदुरबार वनक्षेत्र

नंदुरबार वनक्षेत्रातील अजयपूर वनक्षेत्रात ग्रामस्थांना निलगाय दिसली असल्याचे समजते. वनविभागाच्या माहितीप्रमाणे या भागात निलगाय नसल्याने निलगाय असल्यास निश्चितच आपल्या पर्यावरणाच्या दृष्टीने आनंदाची बातमी आहे.

जाम तलाव

– नवापूर वनक्षेत्राताज मचाणवर बसलेल्या निरीक्षकांना कोल्हयांचा कळप व तरस दिसला.
चिंचपाडा वनक्षेत्रात रात्री उशिरा बिबटयासदृश्य प्राणी पाणी पिण्यास आल्याचे निरीक्षकांच्या लक्षात आले. सकाळी मचाणवरून उतरून त्यांनी या प्राण्यांच्या पायाचे ठसे घेतले आहेत.

अजयनगर येथील ग्रामस्थानी वन विभागाच्या प्राणी गणना मोहिमेस प्राधान्य देत सकारात्मक दृष्टी ठेवत रात्री वन भोजन ठेवण्यात आले. सर्वांनी वन विभागाच्या नियमाचे काटेकोर पालन करत रात्र जागून काढली. यात उपक्रमात साधारण 150 नागरिक सहभागी झाले होते.

नंदुरबारचे वनक्षेत्रापाल मनोज रघूवंशी, आर.बी. पवार चिंचपाडा, प्रथमेश हडपे वनक्षेत्रपाल नवापूर व प्रशांत होमणे खांडबारा वनक्षेत्र व इतर कर्मचारी वृंद उपस्थित होते.

तळोदा वनक्षेत्रात सर्वेक्षण

तळोदा,वनक्षेत्रातील वाल्हेरी येथे रात्री अस्वल व तरसाचे दर्शन झाले.  तळोदा वनक्षेत्रातील वाल्हेरी बिटमध्ये दोन सीतापावली, एक मचाण व मालदा असे एकूण चार मचाण बनवण्यात आले होते.नंदुरबार जिल्हा पोलीस अधीक्षक संजय पाटील यांनी वाल्हेरी बिटला रात्रभर एका मचाणावर बसून वन्यप्राणी पक्षी यांचा आढावा घेतला.त्यांच्यासोबत वन विभागाच्या सतर्कता विभागप्रमुख अशोक पाटील, प्राणीमित्र अशोक वाघ, तळोदा पोलीस निरीक्षक नितीन चव्हाण, तळोदा वनक्षेत्रपाल निलेश रोडे होते. यात वाल्हेरी क्षेत्रात अस्वल आढळले तर सितापावली येथे तरस तसेच मालदा येथे काहीही आढळून आले नाही. सातपुड्यातील चढउतार व अवघड वाटेने पोहोचून या वन्यप्राणी गणना मोहिमेत त्यांनी सहभाग घेतला.

याबाबतीत नंदुरबार वनक्षेत्राचे सहाय्यक वन संरक्षक गणेश रणदिवे यांच्याशी संपर्क केला असता त्यांनी सांगितले की, नंदुरबार नवापूर वनक्षेत्रात एकूण 35 मचाण लावण्यात आले. यावेळी प्राणी गणनेसाठी विविध वन्यप्रेमी पक्षी प्रेमी व पर्यावरण प्रेमी व ग्रामस्थांनी सहभाग नोंदविला. यात काही ठिकाणी वन्यजीवांचे अस्तित्व आढळून आले आहे. निश्चितच ही वनक्षेत्रातासाठी समाधानाची बाब आहे.

Leave a Comment

Your email address will not be published. Required fields are marked *

*

error: Content is protected !!