Type to search

maharashtra नंदुरबार

मारहाण करणार्‍या चौघांना कारावास

Share
नंदुरबार । जागेच्या कुरापतीवरुन मारहाण करणार्‍या चौघांना 15 हजाराचा दंड व दंड न भरल्यास एक वर्ष साध्या कारावासाची शिक्षा धडगाव न्यायालयाने सुनावली.

याबाबत अधिक माहिती अशी की, लालश्या लखमा पावरा (वय 52, रा.खर्डी बुाा. ता.धडगाव) हे शेती व्यवसाय करुन कुटुंबाचा उदर निर्वाह करीत असतांना त्यांच्याकडे शेतीस जोडधंदा म्हणून गुरेढोरे असल्याने गुराखी जोदा सान्या पावरा हा जनावरे चारण्याचे काम करीत होता. दि.29 ऑक्टोबर 2015 रोजी नेहमीप्रमाणे फिर्यादी लालश्या पावरा यांनी कुटुंबातील सर्व सदस्यांना शेतीकामानिमित्त शेतात पाठविले होते. ते घरी लहान मुलांना सांभाळण्याचे काम करीत असतांना त्यांनी गुराखी जोदा पावरा यासही जनावरे चारण्यासाठी जंगलात पाठविले होते. संध्याकाळी गुराखी जोदा सान्या पावरा हा गुरेढोरे घेवून घराकडे आला. त्याने गुरेढोरे बांधुन फिर्यादीच्या घराशेजारीच घर असल्याने तो घरी निघुन गेला. त्याचदिवशी रात्री 9 वाजेच्या सुमारास पोडया दित्या पावरा, जोंजाडया दित्या पावरा, गुंजाज्या दित्या पावरा, बोल्या दित्या पावरा यांचे फिर्यादी लालश्या पावरा यांच्यासोबत शेताचे जागेवरील वाद असल्याच्या कुरापतीवरुन त्यांनी गुराखी जोदा सान्सा पावरा याच्यासोबत भांडण केले. म्हणून लालश्या पावरा हे पोडया दित्या पावरा, जोंजाडया दित्या पावरा, गुंजाज्या दित्या पावरा, बोल्या दित्या पावरा तसेच गुराखी जोदा पावरा यांचे भांडण सोडविण्यास गेले असता त्यांनी लालश्या पावरा, त्यांची पत्नी व मुलास मारहाण केली. तसेच जिवेठार मारण्याची धमकी दिली होती. याबाबत धडगाव पोलीस ठाण्यात भादंवि क 325, 323, 504, 506अन्वये गुन्हा दाखल करण्यात आला होता.

सदर गुन्हयाची सुनावणी धडगाव येथील न्या.पी.एच.जोशी यांच्या कोर्टात झाली. गुन्हा शाबीत झाल्याने पोडया दित्या पावरा, जोंजाडया दित्या पावरा, गुंजाज्या दित्या पावरा, बोल्या दित्या पावरा यांना 1 वर्ष चांगल्या वागणुकीच्या वर्तणुकीच्या बाँडवर तसेच रुपये 15 हजार रुपये दंड व दंड न भरल्यास 1 वर्ष साध्या कारावासाची शिक्षा सुनावली.

या गुन्हयाचा सखोल तपास करुन आरोपीविरुध्द न्यायालयात दोषारोपपत्र असई वि.व.गिरासे यांनी सादर केले होते. सदर खटल्याचे कामकाज अभियोग पक्षातर्फे सरकारी वकील अ‍ॅड.आर.डी.बिर्‍हाडे यांनी पाहिले. सदर खटल्यात पैरवी अधिकारी म्हणुन पोकॉ/सुरेश गावीत यांनी कामकाज केले. पैरवी अधिकारी व वकिलांचे अभिनंदन करण्यात आले.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!