Type to search

माझ्या पुरस्कारात पत्रकारांचेही योगदान! – डॉ.कलशेट्टी

maharashtra नंदुरबार

माझ्या पुरस्कारात पत्रकारांचेही योगदान! – डॉ.कलशेट्टी

Share
नंदुरबार । जिल्हाच्या सर्वागिण विकासाची कामे करतांना लोकप्रतिनिधी, अधिकारी, जनता व पत्रकारांचे सहकार्य मोठया प्रमाणात मिळाले. तसेच प्रशासन म्हणून राबविलेल्या नवनवीन प्रयोगांना पत्रकारांनी चांगली प्रसिध्दी दिल्यामुळे जिल्हाची प्रतिमा राज्य स्तरावर उंचावली, या सर्वांचे योगदानामुळे उत्कृष्ट जिल्हाधिकारी म्हणून निवड झाल्याचा भावना जिल्हाधिकारी डॉ.मल्लिनाथ कलशेट्टी यांनी व्यक्त केली.

नंदुरबार जिल्हा मराठी पत्रकार संघातर्फे जिल्हाधिकारी डॉ.मल्लीनाथ कलशेट्टी यांना उत्कृष्ठ जिल्हाधिकारी पुरस्कार मिळाल्याबद्दल पत्रकार संघासह शहरातील सर्व पत्रकार, वृत्तवाहिन्यांच्या प्रतिनिधीनी डॉ.कलशेट्टी यांचा जिल्हाधिकारी कार्यालयाच्या रंगावली सभागृहात सत्कार करण्यात आला.

जिल्हाधिकारी डॉ. कलशेट्टी पुढे म्हणाले, प्रशासन म्हणून जनतेच्या समस्या गावोगावी जावून जाणून घेतल्या, त्या सोडविण्यासाठी प्रयत्न केला. प्रशासन म्हणून जनतेच्या विकासाची वेगळेवेगळे प्रयोग केले. आदिवासी भागातील जनतेच्या आर्थिक स्तर स्वयंरोजगाराच्या माध्यमातून कसा वाटेल यासाठी कृर्षीसह सर्व शासकीय योजनांचा लाभ मिळवून दिला. याला सर्वच पत्रकारांनी सकारात्मकतेने चांगली प्रसिध्दी दिला. त्यामुळे मी केलेल्या कामाचे राज्यशासनास्तरावर सुयोग्य मुल्यमापन झाले असल्याचेही त्यांनी सांगितले.

जिल्हाधिकारी डॉ.कलशेट्टी यावेळी म्हणाले की लोकांच्या सहकार्याने अनेक विकासाचे कामे करतांना पाचोराबारीचे पुनवर्सन राज्यपाल दत्तक भगदरी गावांत विकासाच्या अनेक योजना राबवून जनसामान्यांचे प्रश्न मांडण्यास वैयक्तिक लक्ष घालून ते तडीस नेईपर्यंत पाठपुरावा करण्यावर भर दिला असल्याचेही त्यांनी यावेळी सांगितले.

यावेळी जिल्हा मराठी पत्रकार संघाचे अध्यक्ष हिरालाल चौधरी, म्हणाले, जिल्हाधिकारी डॉ.कलशेट्टी यांनी राबविलेल्या योजना जनतेपर्यंत पोहचल्यामुळे शासन स्तरावर दखल घेवून त्यांना उत्कृष्ट जिल्हाधिकारी पुरस्कार मिळाला असल्याने त्यांचा हा सन्मान नंदुरबारकर जनतेचा सन्मान असल्याचे त्यांनी सांगितले.

यावेळी पत्रकार हिरालाल चौधरी, बळवंत बोरसे, मनोज शेलार, बाबा राजपूत, रणजित राजपूत, रमेश महाजन, राकेश कलाल, जीवन पाटील, निलेश पवार, भिकेश पाटील, राजु पाटील, रविंद्र चव्हाण जगदीश ठाकूर, मुकेश सोमवंशी, प्रल्हाद अल्हाट, सिध्दार्थ गौतम, हंसराज चौधरी, गजेंद्र शिपी, नितीन पाटील, अमित कापडणीस, बापू ठाकरे उपस्थित होते. कार्यक्रमाचे सुत्रसंचलन व आभारप्रदर्शन रणजीत राजपूत यांनी केले.

Tags:

You Might also Like

Leave a Comment

Your email address will not be published. Required fields are marked *

*

error: Content is protected !!