कोतूळ |वार्ताहर| Kotul
अकोले, राहुरीसह दक्षिण नगर जिल्ह्याला लाभदायक ठरणार्‍या मुळा धरणात काल सकाळी संपलेल्या 24 तासांत तब्बल 943 दलघफू पाणी नव्याने दाखल झाले. त्यामुळे 26000 दलघफू क्षमतेच्या या धरणातील पाणीसाठा सायंकाळी 14783 दलघफू झाला आहे. आज सकाळपर्यंत हा पाणीसाठा 15000 दलघफूवर जाण्याची शक्यता आहे.
मुळा पाणलोट क्षेत्रातील हरिश्चंद्रगड परिसरात दिवसभर पावसाने दमदार बॅटिंग सुरू होती. त्यामुळे मुळा नदी दुथडी भरून वाहत आहे. काल सकाळी संपलेल्या 24 तासांत धरणात 943 दलघफू पाणी नव्याने दाखल झाले. एक़ाच दिवसांत ऐवढी आवक म्हणजे यंदाच्या हंगामातील विक्रम आहे.
काल सकाळी कोतूळ येथील मुळा नदीतील विसर्ग 9155 दलघफू होता. पण पाणलोटातील पावसाचा जोर ओसरल्याने मुळा नदीतील पाणी 4227 क्युसेकपर्यंत घटले होते.
पाणलोटात सोमवारी जोरदार पाऊस झाल्याने मंगळवार आणि बुधवारी मुळा धरणात जोरकस नवीन पाण्याची आवक झाली.
