मुंबई | Mumbai
पंजाबी गायक आणि काँग्रेस नेते सिद्धू मूसेवाला (Sidhu Moosewala) यांची ज्याप्रमाणे हत्या केली, तशीच तुझीही हत्या करणार, अशी धमकी चित्रपट निर्माते संदीप सिंह (Sandip Singh) यांना देण्यात आली. त्यांना फेसबुकवर (Facebook) जीवे मारण्याची धमकी देण्यात आली आहे...
याप्रकरणी संदीप सिंह यांनी आंबोली पोलीस ठाण्यामध्ये (Amboli Police Station) गुन्हा दाखल केला आहे. संदीप सिंहला सोमवारी ४ जुलैला ही धमकी मिळाली होती.
संशयितायाने फेसबुक मेसेंजरवर (Facebook Messenger) संदीप यांना धमकीचा संदेश पाठवला. यात 'चिंता मत करना, जिस तरह मूसेवाला को गोली मारी गई है, उस तरह तुझे भी मारा जायेगा, प्रतीक्षा कर और याद रख', असे म्हटले आहे. आंबोली पोलिसांनी (Police) अज्ञात व्यक्तीविरुद्ध एफआयआर (FIR) नोंदवला आहे. मुंबई पोलीस (Mumbai Police) या प्रकरणाचा तपास करत आहेत.
संदीप सिंह हा सुशांतसिंग राजपूतचा (Sushant singh Rajput) मित्र होता. जून 2020 मध्ये सुशांतच्या निधनानंतर संदीप सिंह चर्चेत आले होते. त्यांनी पीएम नरेंद्र मोदी (PM Narendra Modi) आणि सरबजीत (Sarbjit) सारखे चित्रपट बनवले आहेत.