युवकाने महिलेला छेडले; सावेडीतील घटना

अहमदनगर |प्रतिनिधी| Ahmednagar

एका महिलेच्या सांगण्यावरून युवकाने दुसर्‍या दुसर्‍या महिलेची छेड काढली. याप्रकरणी महिलेसह युवकाविरूध्द येथील तोफखाना पोलीस ठाण्यात विनयभंगाचा गुन्हा दाखल करण्यात आला आहे. सावेडी उपनगरात राहणार्‍या एका महिलेने यासंदर्भात फिर्याद दिली आहे.

काजल राऊत व विठ्ठल (पूर्ण नाव माहिती नाही) यांच्याविरूध्द गुन्हा दाखल झाला आहे. शुक्रवारी सकाळी सावेडी उपनगरात ही घटना घडली. फिर्यादी महिला शुक्रवारी सकाळी नेहमीप्रमाणे दुकानावर जात असताना काजल राऊत यांच्या कार्यालयात काम करणार्‍या विठ्ठलने फिर्यादी महिलेकडे वाईट नजरेने पाहून गाणे म्हणत होता.

त्याला फिर्यादी महिलेने समजून सांगण्याचा प्रयत्न केला असता त्याने लज्जा उत्पन्न होईल, असे वर्तन केले. काजल राऊत यांनीच मला असे करण्यास सांगितले असल्याची कबुली त्यांनी दिली असल्याचे फिर्यादीत म्हटले आहे. म्हणून महिलेसह युवकाविरूध्द गुन्हा दाखल करण्यात आला आहे. अधिक तपास पोलीस करीत आहेत.