<p><strong>अहमदनगर l प्रतिनिधी</strong></p><p>जिल्हा बँकेवर कोपरगाव येथून विवेक कोल्हे यांची बिनविरोध निवड निश्चित झाली आहे.</p>.<p>कोपरगाव सोसायटी मतदार संघातील अन्य उमेदवारांनी माघार घेतल्याने त्यांच्या निवडीचा मार्ग मोकळा झाला. राष्ट्रवादीचे आमदार आशुतोष काळे यांचे समर्थकानी माघार घेतल्यानंतर चित्र स्पष्ट झाले. </p>.<p>काळे व कोल्हे जिल्हा बँक निवडणुकीत थोरात गटाचे समर्थक आहेत. कालच महसूलमंत्री बाळासाहेब थोरात आ.काळे व माजी आ.स्नेहलता कोल्हे भेटीसाठी संगमनेर येथे गेल्या होत्या. तेव्हाच या मतदार संघातील निर्णय झाल्याचे मानले जात होते.</p>.<p>विवेक कोल्हे यांच्या रूपाने कोल्हे परिवाराच्या तिसऱ्या पिढीचा बँकेच्या राजकारणात संचालक म्हणून प्रवेश होत आहे.</p>.<p>सहकारातील ज्येष्ठ नेते माजी मंत्री शंकरराव कोल्हे यांचे नातू असलेले विवेक इफकोचे संचालक तथा कोपरगाव औद्योगिक वसाहतीचे अध्यक्ष आहेत.</p>.<p>बुधवारी कोपरगाव सोसायटी मतदारसंघात बिपीनदादा कोल्हे, किसनराव पाडेकर व देवेंद्र रोहमारे यांनी माघार घेतली. अलकादेवी जाधव यांनी दोन दिवसांपूर्वी माघार घेतली होती.</p>
