<p>अहमदनगर|Ahmedagar</p><p>क्रांतीज्योती सावित्रीबाई फुले यांची जयंती सर्वत्र उत्साहात साजरी होत असतांना नगरच्या </p>.<p>तोफखाना पोलीस ठाण्यात क्रांतीज्योती सावित्रीबाई फुलेंना अभिवादन केल्यानंतर ३ महिला कर्मचाऱ्यांना दिवस भरासाठी विविध पदांवर काम करण्याची संधी देऊन त्यांचा अनोख्या पद्धतीने सन्मान करण्यात आला. यावेळी पोलीस निरीक्षक सुनील गायकवाड, सहायक निरीक्षक किरण सुरसे, रवींद्र पिंगळे, उपनिरीक्षक समाधान सोळुंके, सुरज मेढे यांच्यासह पोलीस कर्मचारी उपस्थित होते. </p>.<p>तोफखाना पोलीस ठाण्याचा कारभार दिवसभरासाठी महिला पोलीस शिपाई समीना सय्यद, सायली भिंगारदिवे आणि गहिले यांच्याकडे देण्यात आला होता. या महिला पोलिसांना दिवसभर पोलीस ठाणे अंमलदार आणि वायरलेस विभागात मदतनीस म्हणून काम करण्याची संधी मिळाली. हे कामही या महिला पोलिसांनी अत्यंत यशस्वीरित्या पार पाडले, त्याबद्दल त्यांचे कौतुक होत आहे. तर तोफखाना पोलीस ठाण्यानेही नवा पायंडा पाडल्याने कौतुकास पात्र ठरले आहे.</p>
