दोन तरूणांकडून महिलेला मारहाण

अहमदनगर |प्रतिनिधी| Ahmednagar

दुचाकीवरून जाणार्‍या महिलेला अडवून तिला धारदार लोखंडी हत्याराने मारहाण केल्याची घटना नवनागापूरच्या सह्याद्री चौकाजवळ घडली. मारहाण झालेल्या महिलेने एमआयडीसी पोलिसांना दिलेल्या जबाबावरून दोघांविरूध्द गुन्हा दाखल करण्यात आला आहे.

विशाल पाटील (रा. चेतना कॉलनी, नवनागापूर) व अर्जुन पाडळे (पत्ता माहिती नाही) यांच्याविरूध्द हा गुन्हा दाखल झाला आहे. गजानन कॉलनी, नवनागापूर येथे राहणार्‍या फिर्यादी शनिवारी सकाळी दुचाकीवरून त्यांच्या आईकडे जात असताना विशाल पाटील व अर्जुन पाडळे यांनी त्यांना सह्याद्री चौकाजवळ आडवले. शिवीगाळ करून लाथाबुक्क्यांनी मारहाण केली.

डोक्यात धारदार लोखंडी हत्याराने मारहाण करून जखमी केेले. फिर्यादीवर खासगी रुग्णालयात उपचार सुरू आहेत. उपचारादरम्यान त्यांनी पोलिसांना दिलेल्या जबाबावरून गुन्हा दाखल करण्यात आला आहे.