<p><strong>अहमदनगर|Ahmedagar</strong></p><p>शहरातून दुचाक्यांची चोरी करणार्या दोघांना तोफखाना पोलिसांनी अटक केली आहे. इरफान जावेद पठाण (वय 36), वसीम मुसा शेख (वय 32 दोघे रा. बाराईमाम कोठला, नगर) असे अटक </p>.<p>केलेल्या आरोपींचे नावे आहेत. त्यांच्याकडून चोरीची एक दुचाकी हस्तगत केली आहे. त्यांना न्यायालयात हजर केले असता एक दिवसाची पोलीस कोठडी मिळाली आहे.</p><p>तोफखाना पोलीस ठाण्याच्या गुन्हे शोध पथकाचे पोलीस उपनिरीक्षक समाधान सोळुंके पथकासह दुचाक्या चोरीच्या गुन्ह्यातील आरोपींचा शोध घेत असताना नगर- मनमाड रोडवरील सावेडी परिसरात दोघे संशयित इसम दुचाकीवर फिरत असताना पोलिसांना दिसले. पोलिसांनी त्यांना थांबून त्यांच्याकडे दुचाकीबाबत चौकशी केली असता सुरूवातीला त्यांनी उडवाउडविची उत्तरे दिली. पोलिसांनी अधिक चौकशी केली असता सदरची दुचाकी चोरली असल्याची कबूली इरफान पठाण व वसीम शेख यांनी दिली. पोलिसांनी दुचाकी हस्तगत करून त्यांना अटक केली. त्यांच्याकडून शहरातील आणखी दुचाक्यां चोरीचे गुन्हे उघड होण्याची शक्यता असून पोलीस त्यादृष्टीकोनातून तपास करीत आहे.</p>
