<p><strong>राहाता (तालुका प्रतिनिधी) - </strong></p><p>सेवानिवृत्त शिक्षकाच्या बंद खोलीचे कुलूप व कोंयडा तोडून अज्ञात चोरट्याने घरातील टेबलच्या कप्प्यात ठेवलेली 3 लाख 25 हजार</p>.<p>रुपयांची रोकड चोरून नेल्याची खळबळजनक घटना राहाता शहरात बुधवारी रात्री साडेदहा वाजेनंतर घडली आहे एकाच दिवशी शहरात दोन तीन ठिकाणी चोर्या झाल्याने शहरातील नागरिकांमध्ये भितीचे वातावरण पसरले आहे</p><p>या चोरीच्या घटनेबाबत राहाता शहरातील चौदा चारी लगत असलेल्या माळीनगर भागात राहणारे सेवानिवृत्त शिक्षक दगडू मारुती वाघे वय वर्षे 62 यांनी पोलिसांत फिर्याद दाखल केली असून यामध्ये म्हटले आहे की बुधवार दि.17 फेब्रुवारी 21 रोजी रात्री साडेदहा वाजेच्या सुमारास पैसे ठेवलेल्या खोलीला कुलूप लावून आम्ही शेजारच्या खोलीमध्ये झोपलो असता </p><p>मध्यरात्री पावणे तीन वाजेच्या सुमारास लघवीला जाग आली म्हणून आम्ही दार उघडण्याचा प्रयत्न केला असता बाहेरून कडी लावल्याचे माझे लक्षात आले म्हणून मी शेजार्यांना फोन करून दाराची कडी उघडायला लावली दार उघडल्यानंतर मी बाहेर येऊन माझे शेजारी असलेल्या व पैसे ठेवलेल्या खोलीची पाहणी केली असता पैसे ठेवलेल्या खोलीमध्ये जाऊन पाहिले असता </p><p>खोली मधील टेबलच्या कप्प्यामध्ये ठेवलेली रक्कम तेथे नसल्याचे व फाइल उचकापाचक झाल्याचे माझ्या लक्षात आले या टेबलच्या कप्प्यात दोन हजाराच्या व 500 रुपयांच्या नोटा मिळून सुमारे तीन लाख 25 हजार रुपयांची रोकड होती ही रोकड अज्ञात चोरट्याने ही चोरून नेली असल्याचे वाघे यांनी फिर्यादीत म्हटले आहे वरीष्ठ पोलीस अधिकारी व राहाता पोलिसांनी घटनास्थळी पाहणी केली असून पुढील तपास पोलीस निरीक्षक सुभाष भोये यांच्या मार्गदर्शनाखाली पोलीस करत आहे.</p>
