<p><strong>अहमदनगर | Ahmedagar</strong></p><p>घर बंद करून फिरायला गेलेल्या एका व्यवसायिकाच्या घरी चोरट्यांनी डल्ला मारून रोख रक्कम, सोन्या- चांदीचे दागिणे असा 3 लाख 5 हजार रूपये किंमतीचा ऐवज लंपास केला.</p>.<p>सोमवारी दिवसा तारकपूर येथील सिंधी कॉलनीमध्ये घडलेली घटना सायंकाळी उघडकीस आली. या प्रकरणी तोफखाना पोलीस ठाण्यात रात्री उशिरा घरफोडीचा गुन्हा दाखल करण्यात आला आहे. अशोक नंदलाला सुहेदा यांनी फिर्याद दिली आहे.</p><p>अशोक सुहेदा सोमवारी सकाळी साडेअकरा वाजता त्यांचे घर बंद करून कुटुंबासह निंबोडी (ता. नगर) येथे नातेवाईकांच्या आनंदवन ऍडव्हेंचर पार्क येथे फिरण्यासाठी गेले होते. यानंतर चोरट्यांनी फिर्यादी यांच्या घराचा दरवाजा स्क्रु डायव्हर व कटरने तोडून आत प्रवेश केला. घरातील सामानाची उचकापाचक करून रोख रक्कम, सोन्याचे दागिणे असा 3 लाख 5 हजारांचा ऐवज लंपास केला. सुहेदा कुटुंब साडेसहाच्या सुमारास घरी आल्यानंतर चोरी झाल्याचे त्यांच्या लक्षात आले. त्यांनी रात्री उशिरा तोफखाना पोलीस ठाण्यात गुन्हा दाखल केला. या प्रकरणी पुढील तपास सहायक निरीक्षक रवींद्र पिंगळे करीत आहे.</p>
