<p><strong>शिर्डी (प्रतिनिधी) - </strong></p><p>राजकारणात कालही विखे पाटलांबरोबर होतो, आजही आहे आणी भविष्यातही विखे पाटील यांच्याबरोबरच राहाण्याची</p>.<p>आपली भुमिका स्पष्ट आहे. नाशिक येथील एका खाजगी समारंभातील फोटोवरून माझ्या शिवसेना प्रवेशाबाबत खोडसाळपणाने वावड्या उठवणार्या लोकांची किव करावीशी वाटते, अशा शब्दात शिर्डीचे माजी नगराध्यक्ष कैलासबापू कोते यांनी शिवसेना प्रवेशाच्या चर्चेला पुर्ण विराम दिला आहे.</p><p>काल शिर्डीत प्रथम नगराध्यक्ष कैलासबापू कोते शिवसेनेच्या वाटेवर असल्याचे वृत्त प्रसिध्द झाल्यानंतर कोते यांनी या वृत्ताचा स्पष्ट शब्दात इन्कार केला. नाशिक येथे विजयराव जगताप यांच्या मुलाच्या साखरपुड्यातील समारंभातील फ़ोटो वरून सोयीस्कर राजकीय अर्थ काढण्यात आला आहे. आपल्या राजकीय स्वार्थासाठी शिर्डीतील काही पुढारी अशी खोडसाळपणाचे वृत्त पेरण्यास माहीर असुन आमचे नेते राधाकृष्ण विखे पाटील यांचा आपल्यावर पुर्णपणे भरवसा आहे. आपण कालही विखे पाटलांबरोबरच होतो, आजही आहे आणी भविष्यातही राहाणार आहेत. विखे पाटील हाच आपला पक्ष आहे. आगामी शिर्डी नगरपंचायतीच्या निवडणुकीच्या पार्श्वभुमीवर विरोधकांनी सुरू केलेल्या खोडसळापणाबद्दल लोकांची व त्यांना मदत करणार्याची किव करावीशी वाटते, असेही कोते यांनी सांगितले .</p><p>शिर्डी नगरपंचायतीच्या आगामी निवडणुकीच्या पाश्वभुमीवर विरोधकांनी अशा पध्दतीने रडीचा डाव सुरू केला असला तरी नगरपंचायतीवर विखे पाटील गटाचीच सत्ता पुन्हा येणार आहे. विरोधकांनी कितीही खोडसाळपणा केला तरी जनता विश्वास ठेवणार नाही. उलट खोडसाळणा केल्याबद्दल पुढार्यांना शिर्डीकरांच्या रोषास सामोरे जावे लागणार असल्याचा इशाराही कैलास कोते यांनी दिला आहे.</p>
