<p><strong>राहुरी |प्रतिनिधी| Rahuri</strong></p><p>पंकज खपके यांना आरोपी मारहाण करत असताना त्यांची पत्नी व मुली भांडणे सोडविण्यासाठी आल्या असता</p>.<p>त्यांना देखील आरोपींनी मारहाण करून ब्लेडने वार केल्याची घटना राहुरी तालुक्यातील टाकळीमिया येथे दि. 1 एप्रिल रोजी घडली. पंकज दगडू खपके (वय 43 वर्षे, धंदा मजुरी, रा. लाखरोड टाकळीमिया, ता. राहुरी) यांनी राहुरी पोलिसांत दिलेल्या फिर्यादीत म्हटले, दि. 1 एप्रिल रोजी सायं. साडेसात वाजे दरम्यान फिर्यादी पंकज खपके त्यांच्या घरासमोर असताना आरोपी हे फिर्यादीचे घरासमोर मोटार सायकलवर बसून आले.</p><p>फिर्यादीस मारहाण करू लागले. यावेळी फिर्यादीची पत्नी व मुली मनीषा, सोनाली व प्रांजली या घराबाहेर आल्या असता त्यांना आरोपींनी चापटीने व चप्पलाने मारहाण करण्यास सुरुवात केली. फिर्यादीची मुलगी मनीषा हिला आरोपी पप्पू जगधने याने ब्लेडने डाव्या हाताच्या तळव्यावर मारहाण करून शिवीगाळ केली. जाताना फिर्यादीस व फिर्यादीची पत्नी, मुलींना आरोपी म्हणाले, आता कमी मारहाण केली.</p><p>नंतर जास्त मारहाण करू, अशी धमकी दिली. खपके यांनी राहुरी पोलिसांत दिलेल्या फिर्यादीवरून आरोपी दामू जगधने, पप्पू जगधने, अनोळखी इसम, हिराबाई जगधने व दोन अनोळखी महिला अशा एकूण सहा जणांवर गु. रजि. नं. व कलम - 1 277/2021 भादंवि. कलम 324, 143, 147, 148 प्रमाणे मारहाणीचा गुन्हा दाखल करण्यात आला. या घटनेचा पुढील तपास पोलीस हवालदार संजय पठारे करीत आहेत.</p>
