<p><strong>श्रीगोंदा | प्रतिनिधी| Shrigonda</strong></p><p>तालुक्यातील टाकळी कडेवळीत गावापासून काही अंतरावर असणाऱ्या माळरानावर सोमवार दि. ८ फेब्रुवारी रोजी </p>.<p>सायंकाळी काही कुत्र्यांनी एक मृतदेह उकरून काढला असल्याचे आजूबाजूला राहणाऱ्या रहिवाशांच्या लक्षात आल्याने त्यांनी श्रीगोंदा पोलिसांशी संपर्क करून माहिती दिली. दरम्यान खून करून पुरावा नष्ट करण्याच्या उद्देशाने हा मृतदेह पुरला असण्याची प्राथमिक शक्यता पोलीस सूत्रांनी व्यक्त केली आहे</p><p>याबाबत मिळालेल्या माहितीनुसार, टाकळी कडेवळीत गावापासून काही अंतरावर असणाऱ्या माळरानावर एका पुरुषाचा शीर नसलेला पुरुषाचा मृतदेह कुत्र्याने उकरून काढला असता मृतदेहाच्या येणाऱ्या दुर्गंधीमुळे आसपास राहणाऱ्या लोकांना हि बाब समजताच त्यांनी श्रीगोंदे पोलिसांशी संपर्क करून माहिती दिली. </p><p>या घटनेची माहिती मिळताच श्रीगोंदे तहसिलदार प्रदीप पवार, पोलीस निरीक्षक रामराव ढिकले, तालुका आरोग्य अधिकारी डॉ नितीन खामकर, डॉ. संघर्षशील राजुळे घटनास्थळी दाखल झाले. त्यानंतर पुरलेला मृतदेह बाहेर काढला. पुरलेला मृतदेह पुरुषाचा असून त्याचे शीर घटनास्थळी आढळुन आले नाही. त्याच्या अंगात निळ्या रंगाचा शर्ट असून राखाड्या रंगाची पॅन्ट आहे. मयत पुरुष उंच असून शरीरयष्टी मजबूत आहे. </p><p>मृतदेहाचे धड घटनास्थळी आढळून आले नसल्याने हा खुनाचाच प्रकार असण्याची अधिक शक्यता असल्याची माहिती पोलीस यंत्रणेकडून मिळत आहे. दरम्यान या व्यक्तीची ओळख पटविण्याचे काम सुरू असून हा मृतदेह खून करून पुरला का? या मृतदेहाला इथे आणून पुरले ? खुन झाला असेल तर कोणत्या कारणातून झाला या सर्व प्रश्नांची उकल पोलीस यंत्रणेला करावी लागणार असली तरी मृतदेहाचे शवविच्छेदन झाल्यानंतर वस्तुस्थिती समोर येणार आहे.</p>
