<p><strong>सुपा |वार्ताहर| Supa</strong></p><p>सुपा येथे बुधवारी दुपारी संभाजीनगर परिसरात गोमांस विक्री करताना सुपा पोलिसांनी छापा मारून विक्री करणारे पकडले. </p>.<p>यावेळी दोन जणांवर गुन्हा दाखल केला असून गोमांस ताब्यात घेतले आहे.</p><p>याबाबत सुपा पोलीस ठाण्याकडून मिळालेल्या माहितीनुसार पोलीस नाईक यशवंत ठोंबरे यांनी दिलेल्या फिर्यादीत म्हटले आहे, बुधवारी नगर-पुणे महामार्गावरील दौलत पेट्रोल पंपाच्या पाठीमागील संभाजीनगर भागात दोन व्यक्ती गोमांस विक्री करत असल्याची खबर मिळताच सुपा पोलीस ठाण्याचे सहाय्यक पोलीस निरीक्षक चंद्रकात कोसे व खंडेराव शिंदे यांनी तात्काळ तेथे छापा टाकला. </p><p>त्याठिकाणी मांस विक्री करत असताना जावेद नजीर शेख (वय-28) व आबिद नजिर शेख (वय-25) रा. दोघेही संभाजीनगर, सुपा यांना अटक करून घेत गोमांस ताब्यात घेतले आहे. ठोंबरे यांच्या फिर्यादीवरून जावेद नजीर शेख व आबिद नजीर शेख यांच्याविरुध्द महाराष्ट्र प्राणी संरक्षण अधिनियम 5 (क) 9 (अ) प्रमाणे गुन्हा दाखल केला आहे.</p><p>पुढील तपास सुपा पोलीस स्टेशनचे पोलीस निरिक्षक नितीनकुमार गोकावे यांच्या मार्गदर्शनाखाली सहाय्यक पोलीस निरिक्षक चंद्रकात कोसे पुढील तपास करत आहेत.</p>
