सोनईत महिलेचा अकस्मात मृत्यू

सोनई |वार्ताहर| Sonai

येथील नाईक वस्ती येथे मंगळवारी सकाळी 35 वर्षीय महिलेचा (Woman) राहत्या घरी संशयास्पद मृत्यू (Suspicious Death) झाल्याची घटना घडली. तपासकामी सोनई पोलीस सक्रिय झाले असून प्राथमिक स्वरूपात अकस्मात मृत्यूची नोंद करण्यात आली आहे.

याबाबत समजलेली माहिती अशी की, राधा अरुण माळी (वय 35) ही महिला राहत्या घरासमोर मृतावस्थेत पडल्याची खबर मिळताच सोनई पोलीस ठाण्याचे (Sonai Police Station) प्रभारी सहाय्यक पोलीस निरीक्षक रामचंद्र कर्पे यांनी घटनास्थळी भेट देऊन पाहणी करत मयत माळी यांच्या मृतदेहास पुढील उत्तरीय तपासणीसाठी पाठवले.

सोनई पोलीस ठाण्यात (Sonai Police Station) अकस्मात मृत्यूची नोंद करण्यात आली आहे. उपविभागीय पोलीस अधिकारी संदीप मिटके यांनी दुपारी घटनास्थळी भेट दिली. उत्तरीय तपासणीचा अहवाल आल्यानंतर घटनेची नेमकी स्थिती स्पष्ट होईल.