<p><strong>श्रीरामपूर |प्रतिनिधी| Shrirampur</strong></p><p>सध्या राज्यासह तालुक्यात करोनाबाधित रुग्णांची संख्या वाढत असून श्रीरामपूर तालुक्यात काल नवीन 21 रुग्ण आढळून आले आहेत. </p>.<p>काल श्रीरामपूर तालुक्यातील जिल्हा रुग्णालयात 01, खासगी रुग्णालयांमध्ये 15 तर अँटीजन चाचणी तपासणीत 05 असे 21 रुग्ण आढळून आले आहेत. तर करोनाचे उपचार करुन एकूण 20 रुग्णांना घरी पाठविण्यात आला आहे. श्रीरामपूर शहरासह तालुक्यात करोनाची रुग्णसंख्या वाढत आहे. त्यामुळे श्रीरामपूर शहरातील जनतेने करोनाचे सर्व नियम पाळून मास्क वापरा, सोशल डिस्टन्स ठेवा, सॅनिटायझरचा वापर कायम करा, असे आवाहन करण्यात आले आहे. </p><p>श्रीरामपूर तालुक्यात गेल्या पाच दिवसात सुमारे 125 रुग्णांना करोनाची लागण झाली. तर त्यातील सुमारे 82 रुग्णांना उपचारानंतर घरी सोडण्यात आले आहे. सध्या एकूण अंदाजे 50 ते 55 रुग्ण विविध कोविड सेंटरमध्ये उपचार घेत आहेत.</p>
