<p><strong>शेवगाव (तालुका प्रतिनिधी) -</strong></p><p><strong> </strong>शेवगाव तालुक्यात 48 ग्रामपंचायतीच्या 15 जानेवारी रोजी होणार्या सार्वत्रिक निवडणुकीसाठी सदस्यपदाच्या </p>.<p>एकुण 408 जागेसाठी 1 हजार 332 अर्ज दाखल झाले होते. 1 हजार 332 अर्जापैकी छाननीत 37 अर्ज अवैध तर 1 हजार 295 अर्ज वैध ठरले अशी माहिती निवडणुक निर्णय अधिकारी तथा तहसिलदार अर्चना पागिरे यांनी दिली.</p><p>गुरुवार (दि. 31) छाननी केल्यांनंतर जात पडताळणी पावती नसणे, फॉर्म अपूर्ण भरलेला असणे, बँक पासबुक नसणे, शौचालय दाखला नसणे या इतर कारणांमुळे 37 अर्ज अवैध तर 1 हजार 295 अर्ज वैध ठरले. त्यामध्ये सर्वाधिक चापडगाव-6, कोनोशी-6, वाडगाव-5, हातगाव-3 व ढोरजळगाव ने-3, आखतवाडे- 1, बोडखे 1, तळणी 1, दादेगाव 1, गदेवाडी 2, सोनेसांगवी 2, पिंगेवाडी 1, राणेगाव 2, ठा. पिंपळगाव 1, सुलतानपुर बु. 1, वरखेड 1 असे अर्ज अवैध झाले.</p><p>पहिल्या टप्प्यातच बाहेर पडण्याची वेळ आलेल्या इच्छुक उमेदवारांचा उत्साह मावळत्या वर्षाअखेरीस मावळला. आता उमेदवारी अर्ज मागे घेण्याच्या दि. 4 जानेवारीनंतर निवडणुकीच्या रिंगणात उरलेल्या उमेदवारांवरुन निवडणुकीचे खरे चित्र स्पष्ट होईल.</p>
