सारसनगरमधील दुकानदारावर खुनी हल्ला

भिंगार पोलीस ठाण्यात चौघांवर गुन्हा
सारसनगरमधील दुकानदारावर खुनी हल्ला

अहमदनगर |प्रतिनिधी| Ahmednagar

चार जणांच्या टोळक्याने दुकानदारावर लोखंडी रॉड, लाकडी दांडक्याने जीवघेणा हल्ला केला. नगर शहरातील सारसनगर परिसरात ही घटना घडली. याप्रकरणी भिंगार कॅम्प पोलीस ठाण्यात खुनाचा प्रयत्न कलमान्वये गुन्हा दाखल करण्यात आला आहे.

तैमूर उर्फ अल्तमश शेख, ऋषीकेश अशोक बडे, अविनाश जायभाय, नितीन किसन लाड (सर्व रा. सारसनगर) अशी गुन्हा दाखल झालेल्यांची नावे आहेत. याप्रकरणी अमजद राजू शेख (रा. टाकळीकाझी ता. नगर) यांनी फिर्याद दिली आहे.

चिकन व्यावसायिक शेख यांच्याकडून आरोपींनी दोन दिवसांपूर्वी दोन किलो चिकन पैसे न देता नेले होते व दुकानाचा हप्ता द्यावा लागेल, अशी दमबाजी केली होती. त्यानंतर बुधवारी सायंकाळी हे चौघे पुन्हा चिकन दुकानात आले व तु हप्ता दिला नाही त्यामुळे पुन्हा चिकन दे, अशी मागणी केली. त्यास शेख यांनी नकार दिला असता या आरोपींनी त्याच्यावर लोखंडी रॉड, लाकडी दांडक्याने खुनी हल्ला करत त्यांना जीवे मारण्याचा प्रयत्न केला. तसेच दुकानातील पाच हजार रुपयांची रोकड बळजबरीने हिसकावून नेली असल्याचे फिर्यादीत म्हटले आहे. पुढील तपास सहायक निरीक्षक शिशिरकुमार देशमुख करीत आहेत.

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com