<p><strong>पिपंरी निर्मळ |वार्ताहर| Pimpari Nirmal</strong></p><p>पोलीस पाटलांची भरती प्रक्रीया रखडल्यामुळे गेल्या अनेक वर्षापासून राहाता तालुक्यातील पंधरा गावांचा कारभार पोलीस पाटलांविनाच सुरू आहे. </p>.<p>येथील ग्रामस्थांना अनेक समस्यांना सामोरे जावे लागत आहे.</p><p>राहाता तालुक्यातील पिंपरी निर्मळ, एकरुखे, गोगलगाव, दाढ बु., पिंपरी लोकाई, हसनापुर, लोहगाव, तिसगाव, पिंपळवाडी, रुई, नादुर्खी बु., केडवल, शिंगवे, राजंणगाव खुर्द, धनगरवाडी या पंधरा गावांचे पोलिस पाटील पदे रिक्त आहेत.</p><p>उपविभागीय अधिकारी शिर्डी यांनी आरक्षण सोडतीसाठी गावनिहाय लोकसंख्येची आकडेवारीही घोषीत केली आहे. प्रत्यक्ष आरक्षणाच्या सोडती करून निवड प्रकीया सुरू होणार तेच करोना विषाणुचा संकट काळ सुरू झाल्यामुळे आरक्षण सोडती व निवड प्रक्रीया स्थगीत झाली. </p><p>करोना संकट काळात शासनाने तयार केलेल्या ग्राम दक्षता कमेटीवर पोलीस पाटलांवर महत्वाची जबाबदारी होती,मात्र तालुक्यातील पंधरा गांवातील पदे रीक्त असल्याने पोलीस पाटलांअभावी या गावांना काही प्रमाणात समस्यांना सामोरे जावे लागले.</p>
