राहुरी तालुक्यातील 30 गावांतील कारभार्‍यांच्या नावावर शिक्कामोर्तब

राहुरी |प्रतिनिधी| Rahuri

राहुरी तालुक्यातील 44 पैकी 30 ग्रामपंचायतीच्या गावकारभार्यांची निवड काल मंगळवारी (दि.09) करण्यात आली.

. यावेळी उपसरपंचपदाच्याही निवडी करण्यात आल्या आहेत. उर्वरित 14 ग्रामपंचायतीचे गावकारभारी आज निवडले जाणार असून आरक्षण सोडतीनंतर उत्सुकता लागलेल्या ग्रामस्थांच्या अपेक्षांवर आता पडदा पडला आहे. या निवडीत काही इच्छुकांचा हिरमोड झाला तर काहींना अचानक सत्तेचा धनलाभ झाला आहे. 30 पैकी 12 ग्रामपंचायतींवर महिलाराज अवतरले आहे.

दरम्यान, उंबरे, मल्हारवाडी, चिंचाळे-गडदे आखाडा येथे सरपंचपदाची खुर्ची अद्यापही रिकामीच राहिलेली आहे. ही निवड केव्हा होणार? याबाबत तेथील ग्रामस्थांची उत्सुकता शिगेला पोहोचली आहे.

वांबोरी येथे ज्येष्ठनेते अॅड. सुभाष पाटील गटाचे किरण ससाणे यांची सरपंचपदी तर ना. प्राजक्त तनपुरे गटाच्या व माजी जि.प. अध्यक्ष यांच्या पत्नी मंदाबाई बाबासाहेब भिटे यांची उपसरपंचपदी बिनविरोध निवड झाली. राहुरी तालुक्यातील पश्चिमेकडील डोंगराळ आदिवासीबहूल भागातील जांभळी येथे शकुंतला रामदास बाचकर सरपंचपदी तर सुनील भाऊ मधे यांची उपसरपंचपदी बिनविरोध निवड झाली.

गुहा येथे सौ.उषा गंगाधर चंद्रे यांची सरपंचपदी व राम गोरक्षनाथ बर्डे यांची उपसरपंच म्हणून बिनविरोध निवड झाली. बाभुळगाव येथे मुक्ताबाई गोरक्षनाथ गिर्हे यांची सरपंचपदी व राजश्री ललित माने यांची उपसरपंचपदी बिनविरोध निवड झाली.

तांभेरे येथे सरपंचपदी नितीन सोन्याबापू गागरे व उपसरपंचपदी सागर रंगनाथ मुसमाड़े यांची बिनविरोध निवड झाली. गुंजाळे येथे सरपंचपदी चंद्रकला बाबासाहेब चांडाळ तर उपसरपंचपदी भारती प्रवीण सरोदे यांची निवड झाली.

पाथरे खु. येथे सरपंचपदी सौ. निता गिताराम घारकर व उपसरपंचपदी सौ.हिराबाई भिकचंद टेकाळे यांची बिनविरोध निवड झाली.

चिंचाळे-गडधे आखाडा येथे सरपंच नामनिर्देशन पत्र प्राप्त न झाल्यामुळे हे पद रिक्त राहिले. उपसरपंचपदी एकनाथ घमाजी जाधव यांची बिनविरोध निवड झाली.

वावरथ ग्रामपंचायतीच्या सरपंचपदी प्रतिभा बाचकर यांची तर उपसरपंचपदी रावसाहेब केदार यांची निवड करण्यात आली. चिंचविहीरेच्या सरपंचपदी स्वाती पठारे यांची तर उपसरपंचपदी प्रतिभा गिते यांची निवड करण्यात आली.वरवंडीच्या सरपंचपदी भाऊसाहेब आनंदा कोळेकर यांची तर उपसरपंचपदी शकुंतला विश्वनाथ पवार यांची निवड झाली. कोळेवाडी येथे जालिंदर काशिनाथ झिगे सरपंच म्हणून व गंगूबाई बंडू वायाळ उपसरपंच म्हणून बिनविरोध निवड झाली आहे.

गणेगाव येथे सरपंचपदी भाजपाचे तालुकाध्यक्ष अमोल भनगडे यांच्या पत्नी सौ. शोभा अमोल भनगडे यांची तर उपसरपंचपदी सौ. रेखा गंगाधर कोबरणे यांची बिनविरोध निवड झाली आहे.

कात्रड येथे बाबासाहेब दशरथ शिंदे यांची सरपंचपदी व ऋषीकेश श्रीधर घुगरकर यांची उपसरपंचपदी बिनविरोध निवड झाली. उंबरे येथे सरपंचपद रिक्त राहिले असून उपसरपंचपदी बापूसाहेब जगन्नाथ दुशिंग यांची गुप्त मतदान पद्धतीने 9 विरुद्ध 6 एवढ्या मताधिक्याने निवड झाली. चेडगांवमध्ये ग्रामपंचायत सरपंचपदी संजय उत्तम खरात व उपसरपंचपदी वृषाली विकास तरवडे यांची बिनविरोध निवड झाली.

रामपूर येथे सरपंचपदी मीरा मोरे व उपसरपंचपदी राहुल साबळे यांची बिनविरोध निवड झाली. मल्हारवाडी येथे उपसरपंचपदी मंगेश जालिंदरनाथ गाडे यांची बिनविरोध निवड झाली. येथील सरपंचपद रिक्त आहे. दवणगाव ग्रामपंचायत सरपंचपदी शीतल भाऊसाहेब खपके व उपसरपंचपदी पार्वतीबाई शंकर जर्हाड यांची निवड झाली.

ग्रामपंचायत केसापूर सरपंचपदी बाबासाहेब तुकाराम पवार व उपसरपंचपदी सौ. आरती अनिल भगत यांची हात उंच करून 6 विरुद्ध 3 इतक्या मताधिक्याने निवड झाली आहे. तांदुळनेर येथील सरपंचपदी राहुल लक्ष्मण निमसे व उपसरपंच पदी साधनाबाई साहेबराव शिंगोटे यांची बिनविरोध निवड झाली आहे. ग्रामपंचायत चांदेगाव सरपंचपदी दत्तात्रय नागेश खर्डे व उपसरपंचपदी वैशाली पुंजाराम माळवदे यांची बिनविरोध निवड झाली आहे.

बोधेगाव ग्रामपंचायत सरपंचपदी संध्या राजेंद्र पवार व उपसरपंचपदी रामचंद्र बाबासाहेब माळवदे यांची बिनविरोध निवड झाली. खडांबे बु. ग्रामपंचायत सरपंचपदी कैलास दिलीप पवार व उपसरपंचपदी विजया बाबासाहेब लांडगे यांची बिनविरोध निवड झाली. कुक्कडवेढे ग्रामपंचायतीच्या सरपंचपदी दीपक मकासरे यांची तर उपसरपंचपदी अनिता पानसरे यांची निवड झाली.

अंमळनेरच्या सरपंचपदी अरूणा भारत जाधव यांची तर उपसरपंचपदी किरण वसंत कोळसे यांची निवड झाली आहे. तहसीलदार एफ.आर शेख व नायब तहसीलदार गणेश तळेकर यांच्या मार्गदर्शनाखाली पार पडलेल्या 30 गावच्या सरपंच, उपसरपंचपदाच्या निवडीसाठी अध्यासीन अधिकारी म्हणून अधिकारी-कर्मचारी व ग्रामसेवक, तलाठी यांनी परिश्रम घेतले.

. राहुरी तालुक्यातील अनेक गावांत अटीतटीच्या लढती झाल्या. सत्तेसाठी मोठी रस्सीखेच झाली. त्यामुळे आता गावचा सरपंच कोणत्या गटाचा होणार? याकडे अनेकांचे लक्ष वेधलेले होते. काही गावांत सरपंच आरक्षण सोडतीनंतर बहुमत मिळवूनही आरक्षणाचा लाभार्थी उमेद्वार नसल्याने तेथे गड आला पण सिंह गेला अशी अवस्था झाली आहे. आज उर्वरित 14 गावांतील सरपंचपदाच्या निवडी होणार असल्याने तालुक्याच्या राजकीय वर्तुळाचे लक्ष या निवडीकडे वेधले आहे.

राहुरी तालुक्यातील 30 गावांतील कारभार्‍यांच्या नावावर शिक्कामोर्तब

Arvind Arkhade

Related Stories