<p><strong>अहमदनगर |प्रतिनिधी| Ahmednagar</strong></p><p>लोकसभेचे सभापती ओम बिर्लाजी यांच्या संकल्पनेतून गतवर्षी पद्म पुरस्कार जाहीर झालेल्या व्यक्तींचे मार्गदर्शन देशातील खासदारांना देण्यात येणार आहे. </p>.<p>या मार्गदर्शनाचा फायदा खासदारांना आपापल्या मतदारसंघात विविध विकास कामे करण्यासाठी होणार आहे. या कार्यशाळेचा शुभारंभ 18 तारखेला झाला असून समारोप 22 तारखेला होणार आहे. पद्मश्री पोपटराव पवार यांना आज (दि.22) मार्गदर्शनासाठी निमंत्रित करण्यात आले आहे. </p><p>हिवरे बाजारने दुष्काळावर केलेली मात, पाणी व पिकांचे नियोजन, आदर्शगाव योजनेतील यशोगाथा, जलसंधारण, पर्यावरण, स्वच्छता क्षेत्रात इत्यादी अभ्यासपूर्ण माहितीच्या अहवालाचे सादरीकरण पवार करणार आहेत.</p>
