<p><strong> कर्जत (प्रतिनिधी) -</strong></p><p> वाळूतस्करीची डील करण्यासाठी आलेल्या वाळू तस्कराला अटक करण्यात आली आहे. त्याच्याकडून पिष्टल, गाडी व इतर साहित्य जप्त करण्यात आले असल्याची</p>.<p>माहिती पोलीस निरीक्षक चंद्रशेखर यादव यांनी दिली. पो. नि. यादव यांच्या आदेशाने कर्जत पोलीस स्टेशनच्या गुन्हे प्रकटीकरणचे अधिकारी व कर्मचारी यांचे पथक गस्त करत असताना पथकास गुप्त बातमीदाराकडून याबाबतची माहिती मिळाली होती. यामध्ये पप्पू नावाचा इसम हा शिंपोरा येथे वाळूची डील करण्यासाठी येणार असून त्याच्याजवळ पिष्टल आहे. पोलीस निरीक्षक चंद्रझशेखर यादव यांनी खात्री करुन कायदेशीर कारवाईचे आदेश दिले. पोलिसांच्या पथकाने शिंपोरा रोडवर सापळा लावुन बातमीतील वर्णनाची पांढर्या रंगाची व्हीडीआय गाडी क्रमांक एम. एच. 42 ए. एस. 3182 अडविली. गाडीचा चालक पांडुरंग ऊर्फ पप्पु सतिश कवडे, (वय 24, रा. कात्रज ता. करमाळा) याच्या गाडीमधून पिष्टल, एक फावड्याचा प्लास्टीकचा दांडा, एक वायर रोप, 400 रुपये रोख, एक व्हीडीआय चार चाकी गाडी असा मिळून एकूण 5 लाख 25 हजार 800 रुपये किंमतीचा मुद्देमाल जप्त करण्यात केला.</p>
