निवृत्तीवेतनधारकांच्याही महागाई भत्यात वाढ

निवृत्तीवेतनधारकांच्याही महागाई भत्यात वाढ

अहमदनगर |प्रतिनिधी| Ahmednagar

राज्य शासकीय निवृत्तीवेतनधारक/कुटुंब निवृत्तीवेतनधारकांना त्यांच्या मूळ निवृत्तीवेतनधारक/कुटुंब निवृत्तीवेतनधारकांच्या एकूण रकमेवर 1 जुलै 2022 पासून महागाई वाढीचा दर 34 टक्क्यांवरून 38 टक्के सुधारित करण्याचे निर्देश वित्त विभागाने दिले आहेत. महागाई वाढ 1 जुलै 2022 पासूनच्या थकबाकीसह जानेवारी 2023 च्या निवृत्तीवेतन/कुटुंब निवृत्तीवेतनासोबत रोखीने देण्याचे स्पष्ट करण्यात आले आहे.

राज्य शासकीय निवृत्तीवेतनधारक/कुटुंब निवृत्तीवेतनधारक अद्यापही असुधारित वेतनक्षेणीत (पाचव्या वेतन आयोगानुसार) निवृत्तीवेतन/कुटुंब निवृत्तीवेतन घेत आहेत. त्यांच्या मूळ निवृत्तीवेतन/कुटुंब निवृत्तीवेतन रकमेवर 1 जुलै 2022 पासून महागाई वाढीचा दर 381 टक्क्यांवर 396 टक्के करण्यात येणार आहे. ही वाढ 1 जुलै 2023 पासूनच्या थकबाकीसह जानेवारी 2023 च्या निवृत्तीवेतन/कुटुंब निवृत्तीवेतनासोबत रोखीने देण्यात येणार आहे.

तसेच, राज्य शासकीय निवृत्तीवेतनधारक/कुटुंब निवृत्तीवेतनधारक अद्यापही असुधारित वेतनक्षेणीत (सहाव्या वेतन आयोगानुसार) निवृत्तीवेतन/कुटुंब निवृत्तीवेतन घेत आहेत. त्यांच्या मूळ निवृत्तीवेतन/कुटुंब निवृत्तीवेतन रकमेवर 1 जुलै 2022 पासून महागाई वाढीचा दर 203 टक्क्यांवर 212 टक्के करण्यात येणार आहे. ही वाढ 1 जुलै 2023 पासूनच्या थकबाकीसह जानेवारी 2023 च्या निवृत्तीवेतन/कुटुंब निवृत्तीवेतनासोबत रोखीने देण्यात येणार आहे.

ज्यांना निवृत्तीवेतन योजना लागू केलेली आहे अशा मान्यता व अनुदानप्राप्त शैक्षणिक संस्था, कृषी, कृषीत्तर विद्यापीठे व त्यांच्याशी संलग्न असलेली अशासकीय महाविद्यालये यामधील निवृत्तीवेतनधारक/कुटुंब निवृत्तीवेतनधारकांना हा निर्णय योग्य त्या फेरफारसह लागू राहिल. झेडपीच्या निवृत्ती वेतनधारकांही हा निर्णय लागू राहणार आहे.

Related Stories

No stories found.
logo
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com