दारुच्या नशेत पत्नीला मारहाण, मुलांवर चाकूने वार

पारनेर | तालुका प्रतिनिधी

दारुच्या नशेत पत्नीला मारहाण करत असतांना सोडवण्यासाठी आलेल्या आपल्या दोन मुलावर चाकुने वार करत जखमी केल्याची घटना पारनेर तालुक्यातील गटेवाडी येथे घडली आहे.

रवींद्र काळे असं आरोपीचं नाव असून पत्नीने दिलेल्या फिर्यादीवरून गुन्हा दाखल करण्यात आला असून आरोपीला पोलिसांनी अटक केली आहे. आरोपीला पारनेर न्यायालयात हजर केले असता न्यायालयाने चार दिवसाची पोलिस कोठडी सुनावली आहे.

या घटनेचा पुढील तपास निरिक्षक श्रीमती ज्योती गडकरी स्वतः करत आहेत. या घटनेतील दोन्ही जखमीवर अहमदनगर येथील खाजगी रुग्णालयात उपचार सुरु आहे .