<p><strong>कर्जत (वार्ताहर) - </strong></p><p>कर्जत पोलीस उपविभागात ऑपरेशन मुस्कान अंतर्गत जिल्ह्यात प्रथम क्रमांकाची कामगिरी केल्याने कर्जत उपविभागाचे पोलीस उपधीक्षक अण्णासाहेब </p>.<p>जाधव यांचा पोलीस अधीक्षक मनोजकुमार पाटील यांनी प्रशस्तीपत्र देऊन सन्मान केला आहे.</p><p>अहमदनगर पोलीस दलाच्यावतीने अपहरण आणि हरवलेल्या बालक, महिला,मुली आणि पुरुष यांचा शोध होण्यासाठी ऑपरेशन मुस्कान राबविण्यात येते या मोहिमेत डिसेंबर2020अंतर्गत पोलीस अधीक्षक मनोजकुमार पाटील यांचे आदेश प्राप्त होताच कर्जत उपविभागातील कर्जत, जामखेड, श्रीगोंदा आणि बेलवंडी पोलीस ठाण्यात या अनुषंगाने पथके नेमण्यात येऊन उपविभागात 20अपहरणाचे गुन्हे दाखल होते पैकी 10 अपहरण झालेल्या व्यक्तीचा शोध घेण्यास पथकाला यश आले. तसेच महिला हरवलेल्या 171 प्रकरणे प्रलंबित होती पैकी 84महिलांचा शोध घेण्यात पथकाला यश आले. असून हरवलेले पुरुषांचे 162 प्रकरणे दाखल होती त्यापैकी मुस्कान ऑपरेशन अंतर्गत 75 जणांचा शोध घेण्यात आला.</p><p>या मोहिमेत एकूण उपविभागातील 169अपहरित व हरवलेल्या महिला,पुरुष,बालकांचा शोध घेण्यात पोलीस उपधीक्षक अण्णासाहेब जाधव यांच्या मार्गदर्शनाखाली चार पोलीस ठाण्यात स्थापन केलेल्या पथकास यश आले असून या कामगिरीत अहमदनगर जिल्ह्यात कर्जत उपविभागाचा प्रथम क्रमांक आल्याने जिल्हा पोलीस अधीक्षक मनोजकुमार पाटील यांनी कर्जतचे पोलीस उपधीक्षक अण्णासाहेब जाधव आणि त्यांच्या पथकातील पोलीस अधिकारी, कर्मचारी यांना प्रशस्तीपत्र देऊन गौरविण्यात आले.ऑपरेशन मुस्कानमध्ये उपविभागाचे पथकाचे समनव्यक म्हणून उपविभागीय पोलीस अधिकारी कार्यालयाचे पोलीस नाईक भरत गडकर यांनी काम पाहिले.</p><p>सदरची कौतुकास्पद कामगिरी पोलीस अधीक्षक मनोज पाटील, अप्पर पोलीस अधीक्षक सौरभकुमार अग्रवाल यांच्या मार्गदर्शनाखाली पोलिस उपधीक्षक अण्णासाहेब जाधव, श्रीगोंदा पोलीस ठाण्याचे सपोनि विठ्ठल पाटील, जामखेडचे पोसइ सज्जनसिह नर्हेडा, बेलवंडीचे पोसइ प्रकाश बोराडे, कर्जतचे पोसइ भगवान शिरसाठ, पा.ेना. भारत गडकर, पो.ना. वाबळे,पोकॉ.किरण बोराडे, वैभव खिळे, बाजीराव सानप, गोरख गायकवाड, पो. कॉ. अविंदा जाधव, गीतांजली लाड यांनी मोठे परिश्रम घेतले.</p><p>दरम्यान, कॉन्टॅक्ट ट्रेसिंगद्वारे मोहीम यशस्वी झाली असून हरवलेले महिला मुली, महिला, बालके पुरुष यांच्या नातेवाईक आणि संबंधित व्यक्ती शोधून त्यांचे मोबाईल नंबर शोधून त्यांचा लोकेशन घेऊन त्यांचा शोध घेण्यात पोलीस पथकाला यश आले आहे.</p>
