<p><strong>नेवासा lतालुका प्रतिनिधीl Newasa</strong></p><p>तालुक्यातील भानस हिवरे येथे जमिनिच्या वादातून नईम अब्दुल्लतीफ देशमुख (वय 55 वर्षे) या व्यक्तीचा खून झाला असून नेवासा पोलिसांनी तीन आरोपींना ताब्यात घेतले आहे.</p><p>याबाबत मिळालेल्या प्राथमिक माहितीनुसार मयत नईम व त्याचे मोठा भाऊ नदीम अब्दूलतीफ देशमुख व लहान भाऊ मोईन अब्दूलतीफ देशमुख, रफिक अब्दूलतीफ देशमुख यांच्यामध्ये नेवासा तालुक्यातील भानस हिवरे येथील जमिनीवरून वाद सुरू होते. हे चौघे भाऊ नगर येथे रहात आहेत.</p><p>रविवार दि.20 डिसेंबर रोजी हे चौघे भाऊ नगरहुन भानसहिवरे येथे जमीन वाटप करून भांडण मिटविण्यासाठी आले होते.जमीन वाटपावरून त्यांच्या बाचाबाची झाली.बाचाबाचीचे पर्यावसन हाणामारीत झाले.भानस हिवरे येथील ऐतिहासिक गढीच्या पायथ्याशी असलेल्या एका टपरी जवळ नईमला तीक्ष्ण हत्याराचे वार करून मारहाण केल्याचे समजते.</p><p>त्याला जखमी अवस्थेत नगर येथे उपचरासाठी नेत असतांना रस्त्यातच मृत्यू झाल्याचे समजते. मृतदेह नगरच्या सिव्हिल हॉस्पिटलमध्ये नेण्यात आलेला आहे.</p><p>नेवासा पोलिस ठाण्याचे प्रभारी अधिकारी अभिनव त्यागी,उपनिरीक्षक भरत दाते यांनी घटनास्थळी भेट दिली.</p><p>पोलिसांनी नईमचे सख्खे भाऊ नदीम अब्दूलतीफ देशमुख,मोईन अब्दूलतीफ देशमुख,रफिक अब्दूलतीफ देशमुख या तीन आरोपींना ताब्यात घेतले आहे.</p><p>गुन्हा दाखल करण्याचे काम सुरु आहे.पोलिस यंत्रणेकडून मात्र याबाबद तपशीलवार माहिती मिळू शकली नाही.</p>
