<p><strong>नेवासा |प्रतिनिधी|Newasa</strong></p><p>तालुक्यातील 71 गावांच्या 59 ग्रामपंचायतींच्या 209 प्रभागांतून निवडून द्यावयाच्या 591 ग्रामपंचायत सदस्यांच्या निवडणुकीसाठी </p>.<p>अर्ज भरण्याच्या कालच्या दुसर्या दिवशी 8 ग्रामपंच्यातींकरिता 17 उमेदवारी अर्ज दाखल झाले असून दुसर्या दिवसअखेर एकूण 18 अर्ज दाखल झाले आहेत.</p><p>नेवासा तालुक्यातील मुरमे-खलालपिंप्री-मडकी ग्रुप ग्रामपंचायतीच्या निवडणुकीसाठी काल सर्वाधिक एकूण 5 अर्ज दाखल झाले.त्यातील प्रभाग 2 मधून एक तर प्रभाग 3 मधून चार अर्ज दाखल झाले आहेत.</p><p>भेंडा बुद्रुक ग्रामपंचायतीच्या प्रभाग क्र. 2 मधून एक तर प्रभाग 3 मधून दोन असे एकूण तीन अर्ज दाखल झाले. प्रवरासंगम-माळेवाडी खालसा-म्हाळापूर ग्रुप ग्रामपंच्यातीच्या प्रभाग क्र. 2 मधून काल एक अर्ज दाखल झाला.</p><p>सोनईच्या प्रभाग क्र. 6 मधून एक अर्ज दाखल झाला. सलाबतपूर ग्रामपंचायतीसाठी एक अर्ज दाखल झाला. हा अर्ज प्रभाग तीन मधून आहे. जळके बुद्रुक ग्रामपंचायतीसाठी काल तीन अर्ज दाखल झाले. </p><p>त्यातील प्रभाग दोन मधून दोन तर प्रभाग 3 मधून एक अर्ज दाखल झाला. जेऊर ग्रामपंचायतीसाठी दोन अर्ज दाखल झाले. त्यातील एक अर्ज प्रभाग 1 मधून तर दुसरा अर्ज प्रभाग 3 साठी दाखल झाला. म्हाळसपिंपळगाव ग्रामपंचायतीसाठी एक अर्ज दाखल झाला. तो प्रभाग तीन मधून आहे.</p><p>बुधवारी वाटापूर ग्रामपंचायतीसाठी एक अर्ज दाखल झाला होता. त्यामुळे दुसर्या दिवसअखेर नेवासा तालुक्यातील इच्छुकांच्या दाखल झालेल्या अर्जांची संख्या 18 झाली आहे.</p>
