<p><strong>नेवासा |का. प्रतिनिधी| Newasa</strong></p><p>नेवासा तालुक्यात करोना संक्रमणाच्या दुसर्या टप्प्यात करोना संक्रमितांच्या संख्येचा उद्रेक झाला असून काल एकाच दिवशी 28 गावांतून 96 संक्रमित आढळून आले आहेत.</p>.<p>सर्वाधिक 14 संक्रमित कुकाण्यात आढळले. त्या खालोखाल 13 संक्रमित भेंडा बुद्रुकमध्ये तर 10 संक्रमित सोनईत आढळले. भेंडा खुर्द व नेवासा शहरात प्रत्येकी 7 जण संक्रमित आढळले.</p><p>जेऊरहैबती येथे पाच जण बाधित आढळले. गेवराई, घोडेगाव, तेलकुडगाव, पाचेगाव या चार गावात प्रत्येकी चौघे संक्रमित आढळले. उस्थळदुमाला व तरवडी येथे प्रत्येकी तिघे बाधित आढळले. मुकिंदपूर व पाथरवाला येथे प्रत्येकी दोघे संक्रमित आढळले. </p><p>सुरेगावदही, वडाळाबहिरोबा, वडुले, अंतरवाली, चिलेखनवाडी, माळीचिंचोरा, देडगाव, देवगाव, नेवासा बुद्रुक, निंभारी, पानसवाडी, प्रवरासंगम, रस्तापूर व शिंगवेतुकाई या 14 गावांतून प्रत्येकी एकजण संक्रमित असल्याचे चाचण्यांतून स्पष्ट झाले.</p><p>अशाप्रकारे काल तालुक्यातील 28 गावांमधून 96 बाधित आढळून आले असून हा करोना संक्रमितांचा तालुक्यातील आतापर्यंतचा उच्चांक आहे. एकाच दिवसात 96 बाधितांमुळे तालुक्यातील एकूण संक्रमितांची संख्या 3626 वर गेली आहे.</p>
