<p><strong>नेवासा |का.प्रतिनिधी|Newasa</strong></p><p>नेवासा तालुक्यात करोना संक्रमितांच्या संख्येत झपाट्याने वाढ होत असून काल मंगळवारी तालुक्यात 44 करोना संक्रमित आढळून आले. </p>.<p>करोना संक्रमितांच्या आकडेवारीत सोनई-घोडेगाव पुढे असून काल सोनईत 9, घोडेगाव व प्रवरासंगममध्ये प्रत्येकी 5 तर नेवासा शहरात 6 संक्रमित आढळून आले.</p><p>काल तालुक्यातील 18 गावातून 44 संक्रमित आढळले. सोनई येथे सर्वाधिक 9 तर नेवासा शहरात 6 संक्रमित आढळले. घोडेगाव व प्रवरासंगम येथे प्रत्येकी पाच संक्रमित, हिंगोणी येथे तिघे तर नेवासा बुद्रुक व वडाळा बहिरोबा येथे प्रत्येकी दोघे संक्रमित आढळून आले.</p><p>बेलपिंपळगाव, भेंडा बुद्रुक, चांदा, देडगाव, गळनिंब, गोधेगाव, कांगोणी, कुकाणा, लांडेवाडी, लोहगाव, शिंगणापूर या 11 गावांतून प्रत्येकी एक संक्रमित आढळून आला असून तालुक्यातील एकूण संक्रमितांची संख्या 3282 झाली आहे.</p>
