<p>बेलपिंपळगाव | वार्ताहर | Belpimpalgaon</p><p>नेवासा-श्रीरामपूर रस्त्यावरील पाचेगाव फाटा येथे BMW कार आगीत जळून खाक झाल्याची घटना आज पहाटेच्या सुमारास घडली आहे.</p>.<p>याबाबत सविस्तर माहिती अशी की, पवन प्रकाश सदाशिवे रा.औरंगाबाद (रा.अरिहंत जवाहर कॉलनी) हे परिवारासह शिर्डी येथून औरंगाबाद येथे परतत असताना पाचेगाव फाट्यानाजीक कारने अचानक पेट घेतला आणि क्षणार्धात कार जळून आगीत खाक झाली.</p>.<p>पवन सदाशिवे हे गाडी चालवत होते. आग लागल्यानंतर गाडीतून बाहेर निघूपर्यंत त्यांच्या हाताला व पायाला, पोटाला भाजले असून पुढील उपचारासाठी नेवासा फाटा येथील ग्रामीण रुग्णालयात नेण्यात आले आहे. गाडीतील इतर कोणालाही कुठल्या प्रकारची इजा झाली नसल्याची माहिती प्राप्त झाली आहे.</p>
