घोडेगावात कांद्याला मिळतोय ‘हा’ भाव

नेवासा |का. प्रतिनिधी| Newasa

नेवासा कृषी उत्पन्न बाजार समितीच्या (Newasa Agricultural Produce Market Committee) घोडेगाव कांदा मार्केटमध्ये (Ghodegav Onion Market) काल कांद्याच्या आवकेत (Onion Inward) 5 हजार गोण्यांनी घट झाली. भावात दीडशे रुपयांनी वाढ झाली.

काल एक नंबरच्या कांद्याला (Onion) 3250 रुपयांपर्यंत भाव निघाले. शनिवारच्या तुलनेत ते दीडशे रुपयांनी अधिक आहेत. तर आवक (Inward) 43 हजार 423 गोण्या झाली. शनिवारच्या तुलनेत ती 5 हजार गोण्या कमी आहे.

एक-दोन लॉटला 3100 ते 3250 रुपयांपर्यंत भाव मिंळाला. मध्यम मोठ्या कलर पत्तीवाल्या कांद्याला (Onion) 2500 ते 2800 रुपये, मुक्कल भारी कांद्याला (Onion) 2300 ते 2400 रुपये, गोल्टा कांद्याला (Onion) 1800 ते 2200 रुपये, गोल्टी कांद्याला 1800 ते 2100 रुपये, जोड कांद्याला 300 ते 800 रुपये तर हलक्या डॅमेज कांद्याला 200 ते 250 रुपये प्रतिक्विंटलचा भाव यिांला.