<p><strong>सोनई (वार्ताहर) -</strong> </p><p>मुळा सहकारी साखर कारखान्याच्या अध्यक्षपदी नानासाहेब तुवर यांची तर उपाध्यक्षपदी कडूपाटील-कर्डिले यांची सर्वानुमते </p>.<p>निवड झाली.</p><p>कारखान्याच्या संचालक मंडळाची बिनविरोध निवड झाल्यानंतर काल अध्यासी अधिकारी तथा नगर विभागाचे प्रांताधिकारी श्रीनिवास अर्जुन यांच्या अध्यक्षतेखाली झालेल्या बैठकीत अध्यक्ष व उपाध्यक्षांची सर्वानुमते निवड करण्यात आली.</p><p>अध्यक्षपदासाठी निलेश विठ्ठलराव पाटील यांनी नानासाहेब तुवर यांचे नाव सुचविले. त्यास बाळासाहेब आसाराम गोरे यांनी अनुमोदन दिले. उपाध्यक्षपदासाठी बापूसाहेब शंकर शेटे यांनी कडूपाटील कर्डिले यांचे नाव सुचविले व संचालिका ताराबाई सुखदेव पंडित यांनी अनुमोदन दिले. सभेचे अध्यक्ष यांनी या दोन्ही निवडी बिनविरोध जाहीर केल्या. नवनिर्वाचित संचालक तसेच बिनविरोध निवडून आलेले अध्यक्ष व उपाध्यक्ष यांचे अभिनंदन केले.</p><p>कारखान्याचे संचालक जलसंधारण खात्याचे मंत्री नामदार शंकरराव गडाख हे मंत्रालयीन कामासाठी मुंबईत असल्याने ते या बैठकीला उपस्थित राहू शकले नाहीत. संचालक मंडळाची बैठक संपल्यानंतर नवीन पदाधिकारी व संचालकांनी मुळा कारखान्याचे संस्थापक ज्येष्ठ नेते यशवंतराव गडाख यांची भेट घेऊन आशीर्वाद घेतले. याप्रसंगी नूतन अध्यक्ष व उपाध्यक्ष यांचा सन्मान करण्यात आला. त्यावेळी कारखान्याचे सर्व संचालक, कार्यकर्ते व कारखान्याचे अधिकारी उपस्थित होते.</p>
