पैशासाठी फोटो व्हायरल करण्याची धमकी

अहमदनगर |प्रतिनिधी| Ahmednagar

एक लाख रुपये न दिल्यास मुलीचा अश्लिल फोटो व्हायरल करण्याची धमकी देण्यात आली. याप्रकरणी पीडित मुलीच्या वडिलांनी सायबर पोलीस ठाण्यात फिर्याद दिली असून त्यांच्या फिर्यादीवरून एका मोबाईल नंबर धारकाविरूध्द गुन्हा दाखल करण्यात आला आहे.

पीडित मुलगी ही उपनगरात राहत असून फिर्यादीत म्हटले आहे, 12 मार्च रोजी रात्री साडेनऊ ते 13 मार्च रोजी साडेबारा दरम्यान एका मोबाईल क्रमांकावरून पीडित मुलीस फोन करून तिचा व्हॉटसअ‍ॅप नंबर हॅक करून त्यावर अश्लिल फोटो डीपी म्हणून अपलोड केला. हा फोटो डिलीट करण्यासाठी फिर्यादीने विनंती केली असता सदर मोबाईल धारकाने सांगितले.

तुमच्या मुलीचे अश्लिल फोटो व व्हिडीओ माझ्याकडे आहेत. तुम्ही मला 1 लाख रुपये द्या, नाही तर संबंधित फोटो व्हायरल करून धमकी दिली आणि खंडणी मागितली. या गुन्ह्याचा तपास सायबर पोलीस करीत आहेत.