<p><strong>कर्जत |वार्ताहर|Karjat</strong></p><p>स्वच्छ सर्वेक्षण व माझी वसुंधरा या स्पर्धेमध्ये पहिल्या पाच क्रमांकामध्ये कर्जत नगरपंचायतचा समावेश असेल असा ठाम विश्वास मला वाटतो, असे प्रतिपादन आ. रोहित पवार यांनी येथे केले. </p>.<p>वनमंत्री संजय राठोड व जलसंधारण मंत्री शंकरराव गडाख यांच्या प्रेरणेने राजमाता ग्रामविकास प्रतिष्ठानचे अध्यक्ष महेश तनपुरे यांनी कर्जत नगरपंचायत व सर्व सामाजिक संघटना यांना माझी वसुंधरा या स्पर्धेसाठी 1 हजार 111 झाडांचे वाटप आमदार रोहित पवार यांच्या हस्ते केले.</p><p>यावेळी काँग्रेसचे जिल्हा उपाध्यक्ष प्रवीण घुले, नगरसेवक सचिन घुले, मुख्याधिकारी गोविंद जाधव, गटविकास अधिकारी अमोल जाधव, वनविभागाचे अधिकारी साबळे, व केदार, काकासाहेब तापकीर, अनिल तोरडमल, नितीन देशमुख, विशाल मेहत्रे, आशिष बोरा, सुनील शेलार, बापूसाहेब नेटके, काकासाहेब शेळके, तानाजी पाटील आदी उपस्थित होते.</p><p>स्वच्छ सर्वेक्षण स्पर्धे अंतर्गत न्यू इंग्लिश स्कूल, पिंपळवाडी येथील शिक्षक व सर्व सामाजिक संघटनांचे सदस्य सुनील भोसले यांनी कर्जत शहरातील बोलक्या भिंती व टाकाऊपासून टिकाऊ वस्तू तयार करण्याचा अभिनव उपक्रम राबवला. याबद्दल आ. पवार यांच्याहस्ते विशेष सन्मान करण्यात आला. </p><p>कार्यक्रमाचे संयोजक सामाजिक कार्यकर्ते महेश तनपुरे म्हणाले, आज झाडांची सर्वात मोठी गरज आपल्याला आहे. पर्यावरणाचा समतोल हा झाडांच्यामुळे राखला जातो. यावेळी काँग्रेसचे जिल्हा उपाध्यक्ष प्रवीण घुले व मुख्याधिकारी गोविंद जाधव यांची भाषणे झाली. आभार सचिन घुले यांनी मानले.</p>
