अल्पवयीन मुलीसोबत गैरवर्तन करत मारहाण

अहमदनगर |प्रतिनिधी| Ahmednagar

कचरा टाकण्याच्या वादातून अल्पवयीन मुलीला मारहाण करीत तिचा विनयभंग करण्यात आल्याची घटना 29 एप्रिल रोजी नगर शहरात घडली. याप्रकरणी पीडित अल्पवयीन मुलीने 1 मे रोजी कोतवाली पोलीस ठाण्यात दिलेल्या फिर्यादीवरून गुन्हा दाखल करण्यात आला आहे.

अजय होनराव, दुर्गा अविनाश होनराव, दर्शन संजय होनराव, समर्थ संजय होनराव, शुभम अजय होनराव (सर्व रा. नगर) यांच्याविरूध्द गुन्हा दाखल करण्यात आला आहे. फिर्यादी अल्पवयीन मुलगी 29 एप्रिल रोजी सकाळी तिच्या वडिलांच्या ऑफिससमोर साफसफाई करण्यासाठी गेली होती. ती अजय होनराव याला म्हणाली, तुमचा कचरा आमचे ऑफीससमोर का टाकता. असे म्हणताच त्याला राग आल्याने त्याने फिर्यादीला शिवीगाळ केली.

तसेच तेथे आलेल्या दुर्गा होनराव हिने देखील शिवीगाळ केले. दर्शन व समर्थ यांनी लाकडी दांडक्याने मारहाण केली. शुभमने तलवारीची मुठ डोक्यात मारली. दर्शनने पोटात लाथा मारून लज्जा उत्पन्न होईल, असे वर्तन केले. भांडणाचा आवाज ऐकून जवळच राहणारी फिर्यादीची आत्या तेथे आल्या असता त्यांना देखील मारहाण करण्यात आली असल्याचे फिर्यादीत म्हटले आहे.