<p><strong>अहमदनगर (प्रतिनिधी) - </strong></p><p>नोकरीच्या शोधात फिरणार्या मार्केट यार्ड परिसरातील विवाहितेचा विनयभंग केल्याचा प्रकार एमआयडीसी भागात घडला. या प्रकरणी</p>.<p>पोलिसांनी गिरीष बच्चाविरोधात गुन्हा दाखल केला आहे. नगर शहरातील मार्केट भागात 24 वर्षीय विवाहिता राहते. पतीला दारूचे व्यसन असल्याने कुटुंबाची वाताहत सुरू आहे. कुटुंबाला सावरण्यासाठी विवाहित तरुणीने नोकरी करण्याचा निर्णय घेतला. </p><p>नोकरी शोधण्यासाठी ती नगरच्या एमआयडीसीत फिरत होती. त्यावेळी तेथे तिची गिरीष बच्चासोबत ओळख झाली. तिने बच्चाकडे नोकरीविषयी विचारणा केली. त्यावेळी त्याने माझ्या मित्राची कंपनी असून त्याला सांगतो असे म्हणत तिला भेटण्यासाठी बोलविले. 5 तारखेला ही विवाहिता पुन्हा एमआयडीसीत बच्चाकडे गेली.</p><p> बच्चा याने तिला त्याच्या मोटारसायकलवर बसून एमआयडीसीत फिरविले. एका झुडपाजवळ मोटारसायकल थांबवून तिच्यासोबत लज्जास्पद वर्तन केले. त्याच्या हाताला झटका देऊन विवाहितेने सुटका करून घेतली. त्यानंतर घडला प्रकार तिने घरी सांगितला. मामाच्या मदतीने काल बुधवारी ती पोलिसांत गेली. एमआयडीसी पोलिस ठाण्यात तिच्या फिर्यादीवरून बच्चा विरोधात गुन्हा दाखल करण्यात आला आहे.</p>
