कृषी विद्यापिठाच्या कार्यकारी परिषदेवर आ. मोनिका राजळे

विधानसभेचे अध्यक्ष आ. नार्वेकर यांनी केली निवड
आमदार मोनिका राजळे
आमदार मोनिका राजळे

पाथर्डी |तालुका प्रतिनिधी| Pathardi

राज्यात अग्रगण्य असलेल्या महात्मा फुले कृषी विद्यापीठ राहुरीच्या कार्यकारी परिषदेवर महाराष्ट्र विधानसभेच्या प्रतिनिधी म्हणून आ. मोनिका राजळे यांची महाराष्ट्र विधानसभेचे अध्यक्ष राहुल नार्वेकर यांनी निवड केली आहे.

राहुरी कृषी विद्यापीठाच्या सिनेट मेंबर म्हणून निवड झाल्याचे पत्र शुक्रवारी त्यांना प्राप्त झाले. कृषी विद्यापीठाच्या सिनेट मेंबर म्हणून निवड केल्याबद्दल त्यांनी विधानसभेचे अध्यक्ष आ. नार्वेकर व भाजपचे अध्यक्ष चंद्रशेखर बावनकुळे व उपमुख्यमंत्री देवेंद्र फडणवीस यांचे आभार मानले. कृषी विद्यापीठाच्या सिनेट मेंबर पदावर काम करताना कृषी विद्यापीठाच्या माध्यमातून कृषी संशोधन, नवीन कृषी तंत्रज्ञान शेतकर्‍यांच्या बांधापर्यंत नेऊन शेती उत्पादनात गुणवत्ता व वाढ होण्याच्यादृष्टीने चांगले काम करणार असल्याचे त्यांनी सांगितले.

ही निवड शेतकरी, कष्टकरी बांधवांसाठी कल्याणकारी होण्यासाठी मी निश्चीत काम करील, असे त्यांनी यावेळी सांगितले. माजी आमदार स्व. राजीव राजळे यांची सुध्दा राहुरी कृषी विद्यापीठाचे सिनेट मेंबर म्हणून नियुक्ती यापूर्वी झाली होती. त्याची पुनरावृत्ती होऊन विधानसभेच्या प्रतिनिधी म्हणून मोनिका राजळे राहुरी कृषी विद्यापीठाच्या माध्यमातून शेतकर्‍यांसाठी काम करणार आहेत.

Related Stories

No stories found.
Latest Marathi News, Marathi News Paper, Breaking News In Marathi, Marathi Batmya Live
www.deshdoot.com