<p><strong>लोणी |वार्ताहर| Loni</strong></p><p>राहाता तालुक्यातील लोणी खुर्द ग्रामपंचायतीच्या सरपंचपदी जनार्धन चंद्रभान घोगरे यांची तर उपसरपंचपदी अर्चना अनिल आहेर यांची बिनविरोध निवड झाली. </p>.<p>लोणी खुर्द ग्रामपंचायतीत पंधरा वर्षांनंतर सत्तांतर झाले. राष्ट्रवादीचे एकनाथ घोगरे यांच्या नेतृत्वाखालील परिवर्तन मंडळाने 17 पैकी 11 जागा जिंकल्या तर आ. राधाकृष्ण विखे पाटील समर्थक जनसेवाला 6 जागा मिळाल्या. सरपंचपद नागरिकांचा मागास प्रवर्ग पुरुष राखीव असल्याने जनार्धन घोगरे पाटील सरपंच होणे निश्चित होते. </p><p>मंगळवारी निवडणूक अधिकारी श्री. भालेकर यांच्या अध्यक्षतेखाली पदाधिकारी निवडीसाठी नूतन सदस्यांची बैठक बोलावण्यात आली होती. निवडणूक प्रक्रिया सुरू झाल्यानंतर सरपंच पदासाठी परिवर्तन मंडळाचे जनार्धन घोगरे व उपसरपंच पदासाठी अर्चना आहेर या दोघांचेच अर्ज राहिल्याने त्यांना बिनविरोध घोषित करण्यात आले. </p><p>यावेळी एकनाथ घोगरे, बापूसाहेब आहेर, रणजित आहेर, संजय आहेर, आप्पासाहेब घोगरे, दादासाहेब घोगरे यांच्यासह अनेक ग्रामस्थ व नूतन सर्व सदस्य उपस्थित होते. नूतन पदाधिकार्यांचा यावेळी सत्कार करण्यात आला.</p>
