<p><strong>बेलापूर - </strong></p><p>बेलापूर खुर्द येथील नीरज प्रमोद पुजारी हे आज ( 6 जानेवारी ) सकाळी त्यांच्या वस्तीजवळ रस्त्याने व्यायाम करण्यासाठी फिरत</p>.<p>असताना त्यांच्यावरती बिबट्याने हल्ला केला.</p><p>नीरज पुजारी हे नेहमीप्रमाणे पहाटे व्यायामासाठी फिरत असताना मांगिरबाबा परिसरातील संजय गायकवाड यांच्या वस्ती समोर त्यांच्यावर अचानक बिबट्याने हल्ला केला. नीरज पुजारी हे सावध असल्यामुळे पुढील मोठा अनर्थ टळला.</p><p> त्यांच्यासह फिरण्यास आलेल्या नागरिकांनी आरडाओरडा केल्यामुळे बिबट्या तिथून पसार झाला. विशेष म्हणजे बिबट्याने नीरज पुजारी यांचेवर समोरुन हल्ला केला. त्यामुळे त्यांना त्वरित प्रतिकार करता आला. त्यांच्या शरीरावरती बिबट्याच्या नखांचे निशाण झाले असून त्यांची तब्येत व्यवस्थित आहे.</p><p>बेलापूर खुर्द गावांमध्ये बिबट्याचा वावर वाढला असून वन अधिकार्यांनी या भागात त्वरित बिबट्या धरण्यासाठी पिंजरा लावावा अशी ग्रामस्थांमधून जोरदार मागणी होत आहे.</p>
