<p><strong>कोपरगाव |तालुका प्रतिनिधी| Kopargav</strong></p><p>कोपरगाव शहरासह तालुक्यात 8 डिसेंबर रोजी सापडलेल्या 21 करोना बाधित रुग्णांच्या संपर्कातील 88 व्यक्तींची रॅपिड टेस्ट करण्यात आली. </p>.<p>त्यात 5 तर अहमदनगर येथे तपासणीसाठी पाठवलेल्यांपैकी 5 असे एकूण 10 रुग्ण पॉझिटिव्ह आढळून आले असल्याची माहिती ग्रामीण रुग्णालयाचे वैद्यकीय अधिकारी कृष्णा फुलसुंदर यांनी दिली आहे.</p><p>कोपरगाव शहर व तालुक्यात करोना विषाणूचे आज दिवसभरात एकूण 10 व्यक्तींचे अहवाल हे पॉझिटिव्ह आहेत.त्यात शहरातील संजयनगर येथील 1, राम मंदिर रोड येथील 1, निवारा येथील 1, सब जेल येथील 1, तालुक्यातील धोत्रे येथील 1, चासनळी येथील 3, रवंदा येथील 1, कोळगाव थडी येथील 1 असे 10 रुग्ण करोना बाधित आढळून आले आहेत.</p><p>कोपरगाव तालुक्यात आज 9 डिसेंबरपर्यंत दोन हजार 541 रुग्ण पॉझिटिव्ह झालेले असून दोन हजार 422 रुग्ण बरे झाले आहेत. तर आज पर्यंत एकूण 17 हजार 779 लोकांची करोना चाचणी करण्यात आली.कोपरगावात करोना पॉझिटिव्ह होणार्यांचे प्रमाण 14.29 टक्के आहे.</p><p>तर मृत्यूचे प्रमाण 1.65 टक्के असे आहे.42 व्यक्तीचा मृत्यू झाला आहे.त्यामुळे नागरिकांनी स्वतः काळजी घेऊन प्रशासनाला सहकार्य करण्याचे आवाहन स्थानिक प्रशासनाने केले आहे.</p>
