<p><strong>कोपरगाव |तालुका प्रतिनिधी| Kopargav</strong></p><p>कोपरगाव शहरासह तालुक्यात 4 डिसेंबर रोजी सापडलेल्या 15 करोना बाधित रुग्णांच्या संपर्कातील 181 व्यक्तींची रॅपिड टेस्ट करण्यात आली </p>.<p>त्यात 13 तर अहमदनगर येथे तपासणीसाठी पाठवलेल्या अहवालात 1 तसेच खासगी लॅब मधील 1 असे एकूण 15 रुग्ण पॉझिटिव्ह आढळून आले असल्याची माहिती ग्रामीण रुग्णालयाचे वैद्यकीय अधिकारी डॉ. कृष्णा फुलसुंदर यांनी दिली. शहर व तालुक्यात करोना विषाणूचे आज दिवसभरात एकूण 15 व्यक्तींचे अहवाल पॉझिटिव्ह आहेत. </p><p>त्यात शहरातील गजानन नगर येथील 1, साई नगर येथील 3, विवेकानंदनगर येथील 1, बालाजी नगर येथील 3, सह्याद्री कॉलनी येथील 1, निवारा येथील 1, इंगळेनगर येथील 1 तर ग्रामीण मधील जेऊर पाटोदा येथील 2, चासनळी येथील 1, टाकळी येथील 1 असे 15 रुग्ण करोना बाधित आढळून आले आहेत.</p><p>कोपरगाव तालुक्यात दोन हजार 488 रुग्ण पॉझिटिव्ह झालेले असून दोन हजार 342 रुग्ण बरे झाले आहे. तर आज पर्यंत ऐकून 17 हजार 460 लोकांची करोना चाचणी करण्यात आली. कोपरगावात करोना पॉझिटिव्ह होणार्यांची टक्केवारी 14.24 तर मृत्यूचे प्रमाण 1.64 टक्के असे आहे. आतापर्यंत 41 व्यक्तींचा मृत्यू झाला आहे.</p>
