<p><strong>कोल्हार |वार्ताहर| Kolhar</strong></p><p>कोल्हार बुद्रुक आणि भगवतीपूर या दोन्ही ग्रामपंचायत सदस्यपदाच्या निवडणुकीमध्ये निम्म्याहून अधिक महिलाच असणार आहेत. </p>.<p>कोल्हार बुद्रुकमध्ये 17 पैकी 9 जागा तर भगवतीपूरकरिता 15 पैकी 8 जागा महिलांसाठी राखीव आहेत. दोन्ही ग्रामपंचायतीमध्ये महिलाराज दिसून येईल.</p><p>28 ऑगस्ट 2020 रोजी मागील ग्रामपंचायत कार्यकारिणीचा कार्यकाळ संपला. गेल्या चार महिन्यांपासून प्रशासकाच्या हाती दोन्ही गावांचा कारभार सुरू होता.</p><p>येथे यंदाच्या ग्रामपंचायत निवडणुकीत 10 हजार 237 मतदार उमेदवारांचे भाग्य ठरवतील. निवडणूक निर्णय अधिकारी म्हणून विस्तार अधिकारी एस. बी. गायकवाड हे काम पाहतील.</p><p>कोल्हार बुद्रुकचे प्रभाग निहाय आरक्षण पुढीलप्रमाणे आहे. प्रभाग क्रमांक 1 - जागा तीन - पैकी एक अनुसूचित जाती व्यक्ती, एक ओबीसी महिला, एक सर्वसाधारण व्यक्ती. प्रभाग क्रमांक 2 - जागा तीन - पैकी एक अनुसूचित जाती महिला, एक अनुसूचित जमाती महिला, एक सर्वसाधारण व्यक्ती. प्रभाग क्रमांक 3 - जागा 2 - पैकी एक ओबीसी महिला, एक सर्वसाधारण व्यक्ती. प्रभाग क्रमांक 4 - जागा तीन - पैकी एक ओबीसी व्यक्ती, एक अनुसूचित जाती महिला, एक सर्वसाधारण महिला. </p><p>प्रभाग क्रमांक 5 - जागा तीन - पैकी एक ओबीसी व्यक्ती, एक सर्वसाधारण महिला, एक सर्वसाधारण व्यक्ती. प्रभाग क्रमांक 6 - जागा तीन - पैकी एक ओबीसी महिला, एक सर्वसाधारण महिला, एक सर्वसाधारण व्यक्ती असे आरक्षण आहे.</p><p>भगवतीपूर ग्रामपंचायतसाठी एकूण 5 प्रभागात 15 जागांकरिता निवडणूक होणार आहे. येथे 5 हजार 566 मतदार उमेदवारांची निवड करणार आहेत. निवडणूक निर्णय अधिकारी म्हणून जिल्हा परिषदेचे सार्वजनिक बांधकाम विभाग अधिकारी बी. के. धापटकर हे काम पाहतील.</p><p>भगवतीपूरचे प्रभाग निहाय आरक्षण- प्रभाग 1 - जागा तीन - पैकी एक सर्वसाधारण व्यक्ती, एक ओबीसी महिला, एक सर्वसाधारण महिला.प्रभाग क्रमांक 2 - जागा तीन - पैकी एक सर्वसाधारण व्यक्ती, एक सर्वसाधारण महिला, एक ओबीसी महिला.प्रभाग क्रमांक 3 - जागा तीन - पैकी एक सर्वसाधारण व्यक्ती, दोन सर्वसाधारण महिला.प्रभाग क्रमांक 4 - पैकी एक अनुसूचित जमाती व्यक्ती,एक ओबीसी व्यक्ती,एक सर्वसाधारण महिला.प्रभाग क्रमांक 5 - जागा तीन - पैकी एक अनुसूचित जाती व्यक्ती, एक ओबीसी व्यक्ती, एक सर्वसाधारण महिला असे आरक्षण आहे.</p>
