<p><strong>जामखेड |तालुका प्रतिनिधी| Jamkhed</strong></p><p>तालुक्यातील नान्नज येथे जामखेड करमाळा रस्त्यावर नान्नजच्या पोलीस दूरक्षेत्र शेजारीच राहणारे शंकर कल्याण गाडेकर यांच्या राहत्या घराचे दिवसा </p>.<p>अज्ञात चोरट्यांनी कुलूप तोडून घरात प्रवेश करून कपाटातील 6 तोळ्याचे दागिने व रोख रक्कम 10 हजार रुपये असा एकूण 1 लाख 24 हजारांचा ऐवज लंपास केला. नान्नजमध्ये भरदिवसा पोलीस दूरक्षेत्र शेजारीच घरफोडीमुळे गावात व परिसरात नागरिकांमध्ये मोठी खळबळ उडाली आहे. हनुमंत गाडेकर यांनी जामखेड पोलीस स्टेशनला फिर्याद दाखल केली आहे.</p><p>शुक्रवारी गाडेकर यांचे कुटुंब ज्वारी काढण्यासाठी शेतात गेले होते. सायंकाळी 6 वाजण्याच्या दरम्यान शेतातून परत घरी आले असताना हा प्रकार उघडकीस आला. घडलेल्या घटनेबाबत कल्याण गाडेकर यांचा मुलगा हनुमंत गाडेकर याने जामखेड पोलिसांत फिर्याद दाखल केली.</p><p>पोलीस निरीक्षक संभाजी गायकवाड यांच्या मार्गदर्शनाखाली पोलीस उपनिरीक्षक राजू थोरात, पोलीस नाईक संजय लोंखडे, पोलीस हवालदार शिवाजी भोस, पोलीस कॉ. बाबासाहेब तागड, पो. कॉ. विजय सुपेकर पुढील तपास करीत आहेत. </p><p>दिवसा घरफोडी झाल्याने गावात उलटसुलट चर्चा सुरू झाली असून नान्नज पोलीस दूरक्षेत्रच्या पोलीस कर्मचार्यांनी गस्त करून नान्नज पोलीस दूरक्षेत्र येथेच कायमस्वरूपी थांबावे, अशी मागणी ग्रामस्थांनी केली आहे.</p>
