<p><strong>जामखेड । तालुका प्रतिनिधी । Jamkhed </strong></p><p>ऊसतोडणी व वाहतुकीसाठी पाच लाख रुपये ठेकेदाराकडून उचल घेऊन प्रत्यक्षात उचलीप्रमाणे ट्रॅक्टर व ऊसतोडणी मजूर न दिल्याने झालेल्या वादातून जामखेड तालुक्यातील सातेफळ येथिल एका व्यक्तीचे अपहरण करून घातपात केल्याची फिर्याद नातेवाईकांनी जामखेड पोलिस स्टेशनला दिली आहे.</p>.<p>फिर्यादी गयाबाई आप्पासाहेब भोसले वय २५ रा. सातेफळ यांनी दिलेल्या फिर्यादीत म्हटले आहे की, आरोपी अजित दिलीप सदाफुले व अर्जुन ( काळू) दिलीप सदाफुले रा. सातेफळ यांनी अपहरित व्यक्ती बप्पासाहेब मारूती भोसले यांच्या मध्यस्थीने संजय बाजीराव मुंडे रा. अंमळनेर ता. पाटोदा जि. बीड यांच्या कडून शरयू साखर कारखाना फलटण जि. सातारा येथे ऊसतोडणी व वाहतुकीसाठी पाच लाख रुपये उचल घेतली होती. प्रत्यक्षात उचलीप्रमाणे ट्रॅक्टर व ऊसतोडणी मजूर न दिल्याने दि. ३० आँक्टोबर रोजी गावात वाद झाला व बोलेरो जीप क्रमांक एम एच ४५ ए ८२८३ या जीपने शहादा जि. धुळे येथे जायचे आहे असे सांगून पिडीताचे अपहरण केले आहे व घातपात केल्याची फिर्याद दाखल करण्यात आली आहे. या घटनेचा पुढील तपास जामखेड पोलिस स्टेशनचे सहायक पोलीस निरीक्षक निलेश कांबळे हे करत आहेत.</p>
