<p><strong>संगमनेर |प्रतिनिधी| Sangmner</strong></p><p>मुळा नदीपात्रातून बेकायदेशिररित्या वाळू उपसा करून तिची वाहतूक करणारा डंपर घारगाव पोलिसांनी पकडला.</p>.<p>याप्रकरणी एका जणाविरुद्ध घारगाव पोलीस ठाण्यात गुन्हा दाखल करण्यात आला असून 15 लाख रुपयांचा डंपर व 20 हजार रुपयांची वाळू असा मुद्देमाल पोलिसांनी जप्त केला आहे.</p><p>मुळा नदीपात्रातून विना परवाना, शासनाचा लाखो रुपयांचा महसूल बुडवून वाळू उपसा करून तिची वाहतूक करणारा डंपर एम. एच. 14, ईएम 6542 हा बुधवारी मध्यरात्री घारगाव पोलिसांनी घारगाव शिवारात पकडला. </p><p>याप्रकरणी पोलीस शिपाई हरिश्चंद्र बांडे यांनी दिलेल्या फिर्यादीवरून प्रशांत पोपट साबळे (रा. अकलापूर) याच्याविरुद्ध गुन्हा रजिस्टर नंबर 444/2020 भारतीय दंड संहिता 379 प्रमाणे गुन्हा दाखल केला आहे. अधिक तपास पोलीस निरीक्षक सुनील पाटील यांच्या मार्गदर्शनाखाली पोलीस हवालदार राजू खेडकर करत आहेत.</p>
