<p><strong>हनमंतगाव (वार्ताहर) - </strong></p><p> राहाता तालुक्यातील हनमंतगाव, हसनापूर शिवेजवलील चराजवळ विलास योसेफ ब्राम्हणे यांच्या वस्ती जवळ अज्ञात इसमाने</p>.<p> रात्रीच्या वेळेस शेकडो कोंबड्या आणून टाकल्याने भितीचे वातावरण तयार झाले आहे . </p><p> बर्ड फ्लूमुळे नागरिकांत आधीच भितीचे वातावरण आहे. त्यात रविवारी रात्री अज्ञात इसमाने बहुतेक चार चाकी वाहनात मृत कोंबड्या आणून टाकल्या. हा परिसर निर्जन असल्याने सकाळी उशीरा हा प्रकार लक्षात आला. तोपर्यंत कुत्रे पक्षी यांनी कोंबड्यवर ताव मारल्याने आजाराचा धोका वाढला आहे.</p><p>गावातील सामाजिक कार्येकर्ते अशोक घोलप यांना ही वार्ता समजल्यानंतर त्यांनी लोणी येथील सरकारी पशुवैद्यकीय अधिकारी डॉ. दिघे प्राणीमित्र विकास म्हस्के यांना कल्पना दिली.</p><p> डॉ. दिघे व म्हस्के यांनी सदर ठिकाणाला भेट दिली. जेसीबीच्या साह्याने कोंबड्या पुरण्यात आल्या. कोंबड्या टाकणारी व्यक्ती जवळच्या परिसरातील माहीतीची असावी. या प्रकरणाची सखोल चौकशी व्हावी अशी नागरिकांनी मागणी केली आहे.</p>
