<p><strong>शेवगाव (तालुका प्रतिनिधी) - </strong></p><p>शेवगाव तालुक्यातील 48 ग्रामपंचायतीसाठी 843 उमेदवार निवडणुकीच्या रिंगणात उतरले आहेत. तालुक्यातून एकाही ग्रामपंचायतीला </p>.<p>बिनविरोधचे खाते खोलता आले नाही. मात्र 15 ग्रामपंचायतींत 32 जागा बिनविरोध झाल्या असून सर्वच ग्रामपंचायतींमध्ये दोन गटांमध्ये सरळसरळ लढत होत आहे. यामुळे निवडणुकीत चुरस पहायला मिळणार असून प्रचाराचा धुराळा उडणार आहे.</p><p>शेवगाव तालुक्यातील 48 ग्रामपंचायतींसाठी ऑनलाईन पद्धतीने 1045 तर ऑफलाईन पद्धतीने 288 असे एकूण 1333 उमेदवारी अर्ज दाखल झाले होते. या दाखल अर्जाची छाननी होऊन 38 अर्ज अवैध तर 1295 वैध ठरले होते. उमेदवारी अर्ज माघारीच्या शेवटच्या दिवसाअखेर तब्बल 440 जणांनी आपले उमेदवारी अर्ज मागे घेतल्याने 843 उमेदवार निवडणुकीच्या रिंगणात राहिले आहेत.</p><p>या सर्व ग्रामपंचायतींसाठी 15 जानेवारी रोजी मतदान होत असून 18 जानेवारी रोजी मतमोजणी होणार आहे. सर्व गावांत दुरंगी लढती रंगणार आहेत.</p><p>निवडणुकीच्या रिंगणात ग्रामपंचायतीनिहाय उमेदवारांची संख्या- अधोडी-2, आखतवाडे 17, निंबेनांदूर 18, अंतरवाली बुद्रुक 14, अंतरवाली खुर्द 13, आव्हाणे 18, ढोरजळगाव शे 22, बक्तरपूर 14, भातकुडगाव 26, बेलगाव 9, चेडेचांदगाव 17, भावीनिमगाव 27, मजलेशहर 23, बोडखे 12, तळणी 18, चापडगाव 22, दादेगाव 11, दहिगाव शे 17, लखमापुरी 13, ढोरजळगाव ने 16, मळेगाव शे 18, गदेवाडी 19, हातगाव 32, गायकवाड जळगाव 18, कांबी 30, घोटण 28, हसनापूर 25, सोनेसांगवी 15, दहिफळ (जुने) 18, दहिफळ (नविन) 14, खुंटेफळ 15, ताजनापूर 13, कोळगाव 15, सोनविहिर 14, कोनोशी 19, नागलवाडी 18, शेकटे बुद्रुक 13, नजिक बाभुळगाव 18, ठाकूर निमगाव 19, पिंगेवाडी 20, राक्षी 18, राणेगाव 21, शिंगोरी 19, सुकळी 14, ठाकूर पिंपळगाव 14, सुलतानपूर बु. 18, वाडगाव/मुर्शतपूर 15, वरखेड 14 याप्रमाणे उमेदवारांची संख्या आहे.</p><p>15 ग्रामपंचायतींच्या 32 सदस्यांची बिनविरोध निवड</p><p>संपूर्ण ग्रामपंचायत एकही बिनविरोध झाली नाही. अधोडीचे 7 पैकी सर्वाधिक सहा सदस्य बिनविरोध निवडून आले. तर एका सदस्याची तेथे निवडणूक होत आहे. तर बेलगावचे पाच सदस्य निवडून आले आहेत. 15 ग्रामपंचायतींचे बिनविरोध निवडून आलेले सदस्य पुढीलप्रमाणे- अधोडी- 6, बेलगाव- 5, सुलतानपूर खुर्द व दादेगाव प्रत्येकी 3, गदेवाडी, बोडखे, वाडगाव व लखमापुरीचे प्रत्येकी 2, आखतवाडे, खुंटेफळ, ताजनापूर, ढोरजळगावने, अंतरवाली खुर्द शे, राणेगाव व शेकटे बुद्रुक प्रत्येकी 1 असे आहेत. बिनविरोध सदस्यांची नावे अशी अधोडी- विजय भीमराव पोटभरे, पांडुरंग दामोधर येवले, रूपाली रामेश्वर पोटभरे, राधाकिसन लक्ष्मण येवले, जयश्री सुगंध खंडागळे, रेखा कृष्णा पोटभरे, बेलगाव - मंगल ज्ञानेश्वर जाधव, गंगूबाई रामेश्वर गायके, अमृत नारायण जाधव, बंडू शहादेव लोहकरे, लक्ष्मीबाई विठ्ठल भारस्कर, सुलतानपूर बु.- रुक्मिणी सतीश धोंडे, मिरा बाळासाहेब जगदाळे, कविता कल्याण जगदाळे, दादेगाव- त्रिवेणी दादासाहेब देवढे, अमोल शंकरराव देवढे, शंकर भास्कर दारकुंडे, गदेवाडी - राणी नारायण मडके, सुनीता रोहिदास खंडागळे, बोडखे- आदिनाथ विनायक वेताळ, अयोध्या शंकर बर्डे, अवाडगाव- आदिनाथ उत्तमराव धावणे, गिताबाई बप्पासाहेब ढाकणे, लखमापुरी- केशव रामराव गावंढे, अलका विष्णू थोरे, आखतवाडे- सुनीता सुभाष होडशिळ, खुंटेफळ- शोभा मच्छिंद्र खंडागळे, ताजनापूर- बनकर एकनाथ गायकवाड, ढोरजळगावने- किशोर एकनाथ कराड, अंतरवली खुर्द, शे.- सविता ज्ञानेश्वर कासुळे, राणेगाव- आशाताई संदिप वाघ, शेकटे बुद्रुक- महेश ताराचंद गरड. अनेक ग्रामपंचायत निवडणुका चुरशीच्या ठरणार आहेत. निवडणूक प्रक्रियेवर तहसीलदार तथा निवडणूक निर्णय अधिकारी अर्चना पागिरे व कर्मचारी वर्ग लक्ष ठेवून आहेत.</p>
