72 शाळांपैकी 45 शाळांनी सुरुवात केली. तर 15342 विद्यार्थ्यांपैकी केवळ 5 टक्के म्हणजे 783 विद्यार्थी शाळेत आले तर 14559 विद्यार्थ्यांनी शाळेकडे पाठ फिरवली आहे.

23 नोव्हेंबरपासून इयत्ता 9 वी ते 12 वी पर्यंत शाळा सुरू करण्याचे आदेश जिल्हाधिकारी डॉ. राजेंद्र भोसले यांनी दिले असून शाळा सुरू करण्यापूर्वी व शाळा सुरू झाल्यानंतर आरोग्य, स्वच्छता व इतर सुरक्षाविषयक उपाययोजनांबाबतच्या मार्गदर्शक सूचनाही त्यांनी जारी केल्या होत्या. त्यानुसार शाळांनी सर्व शाळा, वर्गखोल्या, बाके सॅनिटाईझ करून घेतल्या.

शाळेत स्वच्छता व निर्जंतुकीकरण करणे, हात धुण्यासाठी सुविधा उपलब्ध करून देणे, थर्मल स्कॅनर,पल्स ऑक्सिमिटर, जंतूनाशक, साबण,पाणी इत्यादी आवश्यक वस्तुंची उपलब्धताही केली.आपत्कालीन गट, स्वच्छता पर्यवेक्षण गट स्थापन केले गेले.सर्व शाळांनी राज्य शासनाच्या सूचनांचे पालन केले. विद्यार्थ्यांच्या व पालकांना उपस्थितीबाबत आवाहनही केले होते. मात्र विद्यार्थ्यांना उपस्थित राहण्याची अट नाही.

पहिल्या दिवशी 15342 विद्यार्थ्यांपैकी केवळ 5 टक्के म्हणजे 783 विद्यार्थी शाळेत आले. पालकांकडून आवश्यक ती लेखी संमती घेण्याची तयारीही शाळांनी केली मात्र पालकांनी संमतीपत्र भरून देण्यास नकार दिला. तर काहींनी आमच्या पाल्याची तुम्ही जबाबदारी घेऊन हमीपत्र द्या अशीही उलट मागणी शाळांकडे केली.

दरम्यान शाळेतील सर्व शिक्षक व शिक्षकेत्तर कर्मचार्‍यांनी कोव्हिड-19 साठीची आरटीपीसीआर चाचणी करणे बंधनकारक केले आहे. शिक्षक व शिक्षकेत्तर कर्मचार्‍यांनी सदर चाचणीचे प्रयोगशाळेने दिलेले प्रमाणपत्र शाळा व्यवस्थापनास सादर करावे असेही बंधन घालण्यात आले.मात्र अनेक शिक्षकांचे तपासणी अहवाल अद्याप प्राप्त झालेले नाहीत.

शासनाच्या आदेशानुसार शाळा सुरू करण्याची सर्व तयारी तालुक्यातील सर्व शाळांनी पूर्ण केली आहे.मात्र मोजकेच विद्यार्थी शाळेत आले होते. डिसेंबर अखेरपर्यंत थांबा म्हणजे करोनाच्या लाटेचा अंदाज येईल, असे अनेक पालकांचे मत असल्याने त्यांनी आपल्या पाल्यांना शाळेत पाठवण्यास असमर्थता दर्शवली. मात्र ऑनलाईन शिक्षणाला प्राधान्य दिले आहे.

पालकांनी लेखी हमीपत्र देऊन आपल्या पाल्यांना शाळेत पाठवल्यास आम्ही तयार आहोत. अन्यथा ऑनलाईन शिक्षण आम्ही देतच असल्याचे तालुका मुख्याध्यापक संघटनेचे अध्यक्ष जाकीर सय्यद व विलास शिंदे यांनी सांगितले.

घोडेगावात कांद्याच्या भावात 1300 रुपयांनी घसरण

Arvind Arkhade

Related Stories